Maree-verhoor gereed om in 2024 te begin

Die man wat na bewering talle jong seuns in Windhoek seksueel misbruik en glo pornografiese beeldmateriaal van minderjariges op die donker web versprei het, se verhoor is vir 5 Februarie 2024 geskeduleer ná verskeie vertragings die verhoor gekniehalter het.Die verhoordatum is gister vasgestel in die vermeende pedofiel, Johann Maree, se afwesigheid wat weens die uitbreking van waterpokkies by die Windhoek Sentrale Gevangenis nie in die hof kon verskyn nie.Maree se verhoor sou reeds op 6 Oktober begin het. Verrigtinge is aanvanklik uitgestel aangesien die verdediging nie volle openbaarmaking van die staat se dokumente gehad het nie.Dit is twee weke gelede weer eens vertraag toe Maree se regshulpprokureur hom aan die saak onttrek het en Maree nuwe regsverteenwoordiging moes kry.Hoewel Maree nie gister in die hof kon verskyn nie, is dit vasgestel dat hy wel nuwe verteenwoordiger verkry het en nou deur Milton Engelbrecht verteenwoordig sal word.Maree sal na verwagting op 5 Februarie volgende jaar pleit waarna die staat met sy saak sal begin. Verdere datums van 7, 8 en 9 Februarie is vir die verhoor vasgestel.VIER JAAR LATERMaree is reeds in April 2020 in hegtenis geneem nadat hy in die visier van buitelandse owerhede beland het deur sy aktiwiteite op die donker web. Hy was voor sy inhegtenisname ’n fotograaf en polisiereservis. Hy staan tereg op 75 klagte wat onder meer insluit 24 klagte van verkragting, 18 klagte van kinderhandel, tien klagte van die gebruik van ’n minderjarige om pornografie te vervaardig, die pleeg van onsedelike dade op ’n minderjarige kind en die aanmoediging of toelating dat ’n kind onder die ouderdom van 16 drank inneem.PSIGIATRIESE EVALUERINGDie saak is vir maande vertraag toe Maree verlede jaar ’n aansoek gebring het vir psigiatriese evaluering om te bepaal of hy in staat is om hofverrigtinge te verstaan en aanspreeklik gehou kan word vir die misdade waarvan hy beskuldig word.Hy het destyds aangevoer dat hy ten tyde van die beweerde misdade aan ’n geestesversteuring gely het en niks kan onthou rakende die klagte wat die staat teen hom gebring het nie.Die psigiatriese verslag is eers in Junie, sowat sewe maande nadat Maree die evaluering ondergaan het, aan die hof voorgelê.Regter Philanda Christiaan sal die verhoor in die hoërhof in Windhoek aanhoor. – kristien@republikein.com.na

Maree-verhoor gereed om in 2024 te begin

Kommentaar

Republikein 2026-02-03

Meld asseblief aan om kommentaar te lewer

Maree-verhoor gereed om in 2024 te begin

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.