Man onskuldig bevind op verkragting, ontvoering
Skuldig aan aanranding
Hoewel 'n man onskuldig bevind is op vyf klagte, is hy skuldig bevind op 'n klag van aanranding.
ʼn Man wat klagte van verkragting en ontvoering in die gesig gestaar het, is Dinsdag in die hoërhof in Windhoek onskuldig bevind op die meerderheid van die klagte teen hom.
Mnr. Herman de Klerk, ’n inwoner van Hentiesbaai, is daarvan beskuldig dat hy sy eksmeisie in Junie 2018 met ’n mes gedreig en haar gedwing het om na die sokkerstadion op die dorp te gaan.
Volgens die 30-jarige klaer se getuienis, is dit waar hy haar glo twee keer verkrag het – een keer deur sy geslagsdeel in haar anus te druk en die tweede keer in haar vagina.
Hierna het De Klerk en die klaer glo na vriende se huis gegaan waar hulle op ’n matras op die grond geslaap het. Volgens haar het De Klerk haar vir ’n derde keer daardie aand verkrag. Die klaer se kêrel het die volgende oggend daar opgedaag en die twee saam op die matras gevind.
ONSKULDIG
Regter Dinnah Usiku het De Klerk onskuldig bevind op drie klagte van verkragting, een klag van ontvoering en een klag van aanranding met die opset om ernstig te beseer.
De Klerk is wel skuldig bevind op een klag van aanranding deur dreigemente.
“Die staat het nie daarin geslaag om bo redelike twyfel die beskuldigde se skuld te bewys nie. Met ’n gebrek aan bewysstukke, moet die hof vir die beskuldigde die voordeel van die twyfel gee.”
Usiku het ook uitgewys dat kritieke dele van die klaer se getuienis, nie deur ander getuies of konkrete bewysstukke ondersteun is nie.
“Die hof is nie tevrede dat die waarheid vertel is nie,” lui Usiku se uitspraak.
GETUIENISSE
Dr. Manane Michael Lushinge wat destyds die klaer in die Swakopmund-staatshospitaal ondersoek het, het getuig hy kon nie bevestig of uitsluitsel gee dat sy verkrag is nie.
Terwyl die dokter aangedui het dat penetrasie plaasgevind het, kon hy geen beserings of kneusplekke opspoor wat op kragtige penetrasie sou dui nie. Dit is volgens hom nie ongewoon nie, aangesien mense met 'n geskiedenis van seksuele aktiwiteite soos ouer persone dikwels nie tekens van stres in hul private dele toon wanneer kragtige penetrasie plaasvind nie.
– [email protected]
Mnr. Herman de Klerk, ’n inwoner van Hentiesbaai, is daarvan beskuldig dat hy sy eksmeisie in Junie 2018 met ’n mes gedreig en haar gedwing het om na die sokkerstadion op die dorp te gaan.
Volgens die 30-jarige klaer se getuienis, is dit waar hy haar glo twee keer verkrag het – een keer deur sy geslagsdeel in haar anus te druk en die tweede keer in haar vagina.
Hierna het De Klerk en die klaer glo na vriende se huis gegaan waar hulle op ’n matras op die grond geslaap het. Volgens haar het De Klerk haar vir ’n derde keer daardie aand verkrag. Die klaer se kêrel het die volgende oggend daar opgedaag en die twee saam op die matras gevind.
ONSKULDIG
Regter Dinnah Usiku het De Klerk onskuldig bevind op drie klagte van verkragting, een klag van ontvoering en een klag van aanranding met die opset om ernstig te beseer.
De Klerk is wel skuldig bevind op een klag van aanranding deur dreigemente.
“Die staat het nie daarin geslaag om bo redelike twyfel die beskuldigde se skuld te bewys nie. Met ’n gebrek aan bewysstukke, moet die hof vir die beskuldigde die voordeel van die twyfel gee.”
Usiku het ook uitgewys dat kritieke dele van die klaer se getuienis, nie deur ander getuies of konkrete bewysstukke ondersteun is nie.
“Die hof is nie tevrede dat die waarheid vertel is nie,” lui Usiku se uitspraak.
GETUIENISSE
Dr. Manane Michael Lushinge wat destyds die klaer in die Swakopmund-staatshospitaal ondersoek het, het getuig hy kon nie bevestig of uitsluitsel gee dat sy verkrag is nie.
Terwyl die dokter aangedui het dat penetrasie plaasgevind het, kon hy geen beserings of kneusplekke opspoor wat op kragtige penetrasie sou dui nie. Dit is volgens hom nie ongewoon nie, aangesien mense met 'n geskiedenis van seksuele aktiwiteite soos ouer persone dikwels nie tekens van stres in hul private dele toon wanneer kragtige penetrasie plaasvind nie.
– [email protected]
Kommentaar
Republikein
Geen kommentaar is op hierdie artikel gelaat nie