Man glo in beswyming toe hy vrou vermoor

“Die man is besig om my dood te maak!”Dit was glo me. Njakwabo Petrah Munikonzo se laaste woorde aan haar niggie voordat haar man haar na bewering oomblikke later vermoor het.Mnr. Inock Mazala Nalise (32) staan tereg op een klag van moord, asook een klag van regsverydeling. Hy het gister met die begin van sy verhoor in die hoërhof in Windhoek, onskuldig op beide klagte gepleit.Die staat beweer dat Nalise op 31 Oktober 2020 sy 30-jarige vrou tydens ’n argument in hul huis in Okahandjapark met ’n hamer doodgeslaan het.BAIE BLOEDDie staat het gister die oorledene se niggie as getuie geroep. Sy het ten tyde van die moord sowat vier meter van Nalise en die oorledene se huis gebly.Me. Beauty Mbango het glo gehoor hoe Nalise en die oorledene omstreeks 20:00 in hul huis baklei het. Volgens haar getuienis het die oorledene kort daarna om hulp geroep.Sy het na bewering geskree: “Beauty, Beauty! Kom gou. Die man is besig om my dood te maak!” Munikonzo was glo daarna stil. Mbango het getuig dat Nalise uit die huis gekom het en vir haar gesê het die oorledene slaap.Mbango wou in die huis gaan, maar Nalise het haar gekeer. Sy het hom omgestamp en die huis binnegegaan waar sy Munikonzo op die grond sien lê het met ’n kombers wat oor haar gegooi is. Volgens haar getuienis was daar baie bloed.BREINFLOUTENalise het by monde van sy regsverteenwoordiger sy weergawe van gebeure deurgegee. Hy beweer die oorledene het drank en dagga gebruik voordat hy by die huis gekom het.Met sy aankoms by die huis het die oorledene glo met hom begin baklei en hom geslaan.Mbango het tydens haar getuienis erken dat sy Nalise twee keer hoor sê het: “Los my (leave me alone)”.Nalise voer aan dat die oorledene hom aan sy geslagsdele gegryp en sy testis gedraai het.Die oorledene was glo groter as hy en hy beweer sy het hom oorweldig en daarna het hy glo in ’n beswyming gegaan en kan verder niks onthou nie.Hy het glo eers bygekom nadat Mbango op die liggaam afgekom het.Mbanga het getuig toe sy uit die huis gekom het – nadat sy op die lyk afgekom het – was Nalise skoonveld.SERSANT GETUIGDie staat het sersant Hafeni Namhindo as sy eerste getuie geroep. Hy was ure ná die moord op die toneel en was verantwoordelik om foto’s van die moordtoneel te neem.Hy het ’n fotoplan saamgestel met die foto’s wat hy daardie dag geneem het en het die hof daardeur geneem. Volgens sy getuienis was die oorledene se liggaam met ’n kombers bedek toe hulle op die toneel aangekom het.“’n Hamer het op die bed gelê en die oorledene se hare was daarop gewees,” het Namhindo getuig.Die saak sal vandag voor regter Christie Liebenberg voortduur.– kristien@republikein.com.na

Man glo in beswyming toe hy vrou vermoor

Kommentaar

Republikein 2026-08-03

Meld asseblief aan om kommentaar te lewer

Man glo in beswyming toe hy vrou vermoor

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.