Man eis N$1,4 miljoen ná vrou se verdagte dood
Regering wéér in hof
Die ma van vier kinders se lewelose liggaam is sewe dae ná haar beweerde inhegtenisname op die polisiekantoor se perseel gevind.
’n Man dagvaar die regering vir N$1,4 miljoen nadat sy vrou en die ma van hul vier kinders, glo onder verdagte omstandighede in polisie-aanhouding dood is.
Haar lyk is sewe dae ná haar inhegtenisname op die polisiekantoor se perseel gevind en die oorsaak van haar dood is steeds onbekend.
Mnr. Matjayi Kafuro, ’n inwoner van Omega One in die Bwabwata Nasionale Park, het in Februarie 2021 die saak teen die ministerie van binnelandse sake, immigrasie, veiligheid en sekuriteit en die regering by die hoërhof in Windhoek aanhangig gemaak.
Partye het Vrydag voor Regter Eileen Rakow verskyn vir die skedulering van verhoordatums.
Kafuro beweer dat sy vrou, me. Regina Muhoko, op 23 November 2016 ’n bakleiery tussen haar suster en haar swaer probeer beëindig het, waarna sy in ’n woordewisseling met haar swaer betrokke geraak het.
Muhoko en haar swaer is na die Omega-polisiekantoor geneem. Die swaer kon kort daarna huis toe gaan en die familie was onder die indruk sy is in aanhouding geplaas.
Muhoko se broer het glo die dag ná die voorval na die polisiekantoor gegaan, maar die beamptes aan diens het gesê hulle weet nie waar sy is nie.
Haar broer het weer op 27 November die polisiekantoor besoek en is na bewering ingelig dat daar geen rekord van haar inhegtenisname is nie.
“Sewe dae ná die oorledene se inhegtenisname is haar familie gekontak en ingelig dat haar liggaam gevind is. Die oorledene se familie het haar lewelose liggaam by die polisiekantoor, sowat 200 meter van die heining, sien lê.”
Volgens die eisbesonderhede is ’n nadoodse ondersoek uitgevoer, maar kon die oorsaak van haar dood nie vasgestel word nie. Die polisie het glo nog die saak ondersoek.
Die familie is na bewering nooit weer oor die ondersoek ingelig of oor die oorsaak van Muhoko se dood nie.
PLEITSTUKKE
Die minsiterie en regering beweer dat die oorledene nooit in aanhouding geplaas is nie.
“Op dieselfde dag, nadat die dispuut tussen die partye afgehandel was, is die swaer toegelaat om eerste huis toe te gaan sodat die partye nie saam vertrek het nie. Ongeveer ’n uur later is Muhoko toegelaat om huis toe te gaan.
“Nie een van die partye is in hegtenis geneem of aangehou nie,” lui die pleitstukke.
Die ministerie en regering ontken nie dat Muhoko se liggaam op hul perseel gevind is nie.
“Op 30 November 2016 is die liggaam op die polisiekantoor se perseel ontdek en die polisie het die saak ondersoek.
“Die ondersoek het aangedui dat die oorledene die perseel in die geselskap van ’n sekere Kambara Mbiya, verlaat het. Die twee was later in ’n fisieke bakleiery betrokke en die oorledene het oor die een meter hoë heining van die polisiekantoor gespring.”
Volgens die ministerie is ’n strafregtelike saak reeds geopen.
SKADEVERGOEDING
Kafuro beweer in sy eisbesonderhede dat Muhoko nie net onregmatig dood is nie, maar dat sy ook onwettig inhegtenis geneem en in aanhouding geplaas is.
Hy voer verder aan dat die ministerie en regering ’n wetlike plig gehad het om na mense in aanhouding om te sien.
Hy het ook uitgewys dat sy volgens die wet ’n landdros binne 48 uur moes sien en die polisie deur die wet verplig word om rekord te hou van mense wat in hegtenis geneem en in aanhouding geplaas is.
Kafuro eis N$500 000 vir die emosionele en sielkundige skok en trauma wat hulle moes verduur, N$800 000 vir die verlies aan ondersteuning, N$50 000 vir die verlies aan geriewe en nog N$50 000 vir begrafniskoste.
VERJARING
In die pleitstukke van die ministerie het hulle aangevoer die oorsaak van die saak het reeds vier haar gelede gebeur en die saak daarom reeds verjaar het.
“Volgens die Polisiewet van 1990 moet enige siviele saak teen die staat binne 12 maande na die eisoorsaak, aanhangig gemaak word.
“Nieteenstaande bogenoemde, ingevolge artikel 11 van die Verjaringswet, moet die eis voor drie jaar vanaf die datum waarop die oorsaak van aksie ontstaan het, aanhangig gemaak word,” lui die pleitstukke.
– [email protected]
Haar lyk is sewe dae ná haar inhegtenisname op die polisiekantoor se perseel gevind en die oorsaak van haar dood is steeds onbekend.
Mnr. Matjayi Kafuro, ’n inwoner van Omega One in die Bwabwata Nasionale Park, het in Februarie 2021 die saak teen die ministerie van binnelandse sake, immigrasie, veiligheid en sekuriteit en die regering by die hoërhof in Windhoek aanhangig gemaak.
Partye het Vrydag voor Regter Eileen Rakow verskyn vir die skedulering van verhoordatums.
Kafuro beweer dat sy vrou, me. Regina Muhoko, op 23 November 2016 ’n bakleiery tussen haar suster en haar swaer probeer beëindig het, waarna sy in ’n woordewisseling met haar swaer betrokke geraak het.
Muhoko en haar swaer is na die Omega-polisiekantoor geneem. Die swaer kon kort daarna huis toe gaan en die familie was onder die indruk sy is in aanhouding geplaas.
Muhoko se broer het glo die dag ná die voorval na die polisiekantoor gegaan, maar die beamptes aan diens het gesê hulle weet nie waar sy is nie.
Haar broer het weer op 27 November die polisiekantoor besoek en is na bewering ingelig dat daar geen rekord van haar inhegtenisname is nie.
“Sewe dae ná die oorledene se inhegtenisname is haar familie gekontak en ingelig dat haar liggaam gevind is. Die oorledene se familie het haar lewelose liggaam by die polisiekantoor, sowat 200 meter van die heining, sien lê.”
Volgens die eisbesonderhede is ’n nadoodse ondersoek uitgevoer, maar kon die oorsaak van haar dood nie vasgestel word nie. Die polisie het glo nog die saak ondersoek.
Die familie is na bewering nooit weer oor die ondersoek ingelig of oor die oorsaak van Muhoko se dood nie.
PLEITSTUKKE
Die minsiterie en regering beweer dat die oorledene nooit in aanhouding geplaas is nie.
“Op dieselfde dag, nadat die dispuut tussen die partye afgehandel was, is die swaer toegelaat om eerste huis toe te gaan sodat die partye nie saam vertrek het nie. Ongeveer ’n uur later is Muhoko toegelaat om huis toe te gaan.
“Nie een van die partye is in hegtenis geneem of aangehou nie,” lui die pleitstukke.
Die ministerie en regering ontken nie dat Muhoko se liggaam op hul perseel gevind is nie.
“Op 30 November 2016 is die liggaam op die polisiekantoor se perseel ontdek en die polisie het die saak ondersoek.
“Die ondersoek het aangedui dat die oorledene die perseel in die geselskap van ’n sekere Kambara Mbiya, verlaat het. Die twee was later in ’n fisieke bakleiery betrokke en die oorledene het oor die een meter hoë heining van die polisiekantoor gespring.”
Volgens die ministerie is ’n strafregtelike saak reeds geopen.
SKADEVERGOEDING
Kafuro beweer in sy eisbesonderhede dat Muhoko nie net onregmatig dood is nie, maar dat sy ook onwettig inhegtenis geneem en in aanhouding geplaas is.
Hy voer verder aan dat die ministerie en regering ’n wetlike plig gehad het om na mense in aanhouding om te sien.
Hy het ook uitgewys dat sy volgens die wet ’n landdros binne 48 uur moes sien en die polisie deur die wet verplig word om rekord te hou van mense wat in hegtenis geneem en in aanhouding geplaas is.
Kafuro eis N$500 000 vir die emosionele en sielkundige skok en trauma wat hulle moes verduur, N$800 000 vir die verlies aan ondersteuning, N$50 000 vir die verlies aan geriewe en nog N$50 000 vir begrafniskoste.
VERJARING
In die pleitstukke van die ministerie het hulle aangevoer die oorsaak van die saak het reeds vier haar gelede gebeur en die saak daarom reeds verjaar het.
“Volgens die Polisiewet van 1990 moet enige siviele saak teen die staat binne 12 maande na die eisoorsaak, aanhangig gemaak word.
“Nieteenstaande bogenoemde, ingevolge artikel 11 van die Verjaringswet, moet die eis voor drie jaar vanaf die datum waarop die oorsaak van aksie ontstaan het, aanhangig gemaak word,” lui die pleitstukke.
– [email protected]
Kommentaar
Republikein
Geen kommentaar is op hierdie artikel gelaat nie