Lugmagkaptein vas ná polisiejaagtog
Weier glo om by padblokkade te stop
Hy is uit op borgtog van N$1 000 in plaas van die standaardbedrag van N$8 000 wat dronkbestuurders wetlik verplig is om betaal.
Nuusredaksie – Verkeersbeamptes binne die Namibiese polisie (Nampol) is ontevrede nadat ’n kaptein van die Namibiese lugmag, wat Sondag in hegtenis geneem is omdat hy na bewering onder die invloed van alkohol bestuur het, borgtog van N$1 000 gekry het in plaas van die standaardbedrag van N$8 000 wat dronkbestuurders wetlik verplig is om betaal.
Cyrillus Shipahu Stefanus (48), ’n kolonel wat die groepleier van die lugmag in Karibib is, is Sondag laat gevang nadat hy teen 205 kilometer per uur tussen Windhoek en Okahandja gery het – ver bo die wettige spoedgrens van 120 km/h.
’n Spoedkamera het hom gevang net agter die Okapuka-padblokkade in die rigting van Okahandja, maar Stefanus het na bewering versuim om te stop toe beamptes hom beveel het om dit te doen en toe eerder weggejaag.
“Hy het amper ’n polisiebeampte omgery wat hom probeer keer het,” het ’n ooggetuie gesê.
Die polisie het hom toe agternagesit en vir byna 20 kilometer gejaag totdat hulle hom naby Osona Village ingehaal het, toe ’n vragmotor sy pad versper het.
“Die polisie het gesukkel om hom in te haal omdat hy ’n duur Mercedes Benz-voertuig bestuur het, terwyl die polisie hom in ’n baie goedkoper motor agtervolg het. ’n Vragmotor wat probeer verbysteek het, het sy pad versper en dis hoe die polisie hom ingehaal en uiteindelik afgetrek het,” het die getuie vertel.
VER BO LIMIET
Hofrekords toon dat Stefanus se alkoholvlak 0,99 milligram per liter was – wat ver bo die wettige perk van 0,37 mg/l is.
Hy is in hegtenis geneem en moes Sondagaand by die Seeis-polisiekantoor buite Windhoek deurbring.
Hy het Maandag in die hof verskyn waar hy tereggestaan het op aanklagte van roekelose of nalatige bestuur asook bestuur onder die invloed van alkohol.
Verkeersbeamptes was ontevrede met die feit dat daar geen aanklag was wat verband hou met Stefanus wat nie wou stilhou nie en oor ’n lang afstand gejaag moes word voordat hy uiteindelik in hegtenis geneem is.
Wat die beamptes egter meer warm onder die kraag gemaak het, is dat Stefanus borgtog van N$1 000 toegestaan is, terwyl die standaardbedrag vir dronkbestuursake N$8 000 is.
“As dit ’n gewone Namibiër was, sou hulle N$8 000 betaal het of in die tronk gebly het. Maar hier het ons ’n senior militêre amptenaar wat N$1 000 betaal vir ’n baie ernstige situasie wat ook behels dat hy van verkeerspolisiebeamptes gevlug het,” het ’n senior figuur in die mag Woensdag gesê.
Die borgtog is toegestaan deur landdros Surita Savage, wat die saak tot 30 November uitgestel het.
Victoria Thompson het as die staatsaanklaer opgetree en Stefanus het aangedui dat hy ’n privaat prokureur sal aanstel om hom in die saak te verteenwoordig.
– [email protected]
Cyrillus Shipahu Stefanus (48), ’n kolonel wat die groepleier van die lugmag in Karibib is, is Sondag laat gevang nadat hy teen 205 kilometer per uur tussen Windhoek en Okahandja gery het – ver bo die wettige spoedgrens van 120 km/h.
’n Spoedkamera het hom gevang net agter die Okapuka-padblokkade in die rigting van Okahandja, maar Stefanus het na bewering versuim om te stop toe beamptes hom beveel het om dit te doen en toe eerder weggejaag.
“Hy het amper ’n polisiebeampte omgery wat hom probeer keer het,” het ’n ooggetuie gesê.
Die polisie het hom toe agternagesit en vir byna 20 kilometer gejaag totdat hulle hom naby Osona Village ingehaal het, toe ’n vragmotor sy pad versper het.
“Die polisie het gesukkel om hom in te haal omdat hy ’n duur Mercedes Benz-voertuig bestuur het, terwyl die polisie hom in ’n baie goedkoper motor agtervolg het. ’n Vragmotor wat probeer verbysteek het, het sy pad versper en dis hoe die polisie hom ingehaal en uiteindelik afgetrek het,” het die getuie vertel.
VER BO LIMIET
Hofrekords toon dat Stefanus se alkoholvlak 0,99 milligram per liter was – wat ver bo die wettige perk van 0,37 mg/l is.
Hy is in hegtenis geneem en moes Sondagaand by die Seeis-polisiekantoor buite Windhoek deurbring.
Hy het Maandag in die hof verskyn waar hy tereggestaan het op aanklagte van roekelose of nalatige bestuur asook bestuur onder die invloed van alkohol.
Verkeersbeamptes was ontevrede met die feit dat daar geen aanklag was wat verband hou met Stefanus wat nie wou stilhou nie en oor ’n lang afstand gejaag moes word voordat hy uiteindelik in hegtenis geneem is.
Wat die beamptes egter meer warm onder die kraag gemaak het, is dat Stefanus borgtog van N$1 000 toegestaan is, terwyl die standaardbedrag vir dronkbestuursake N$8 000 is.
“As dit ’n gewone Namibiër was, sou hulle N$8 000 betaal het of in die tronk gebly het. Maar hier het ons ’n senior militêre amptenaar wat N$1 000 betaal vir ’n baie ernstige situasie wat ook behels dat hy van verkeerspolisiebeamptes gevlug het,” het ’n senior figuur in die mag Woensdag gesê.
Die borgtog is toegestaan deur landdros Surita Savage, wat die saak tot 30 November uitgestel het.
Victoria Thompson het as die staatsaanklaer opgetree en Stefanus het aangedui dat hy ’n privaat prokureur sal aanstel om hom in die saak te verteenwoordig.
– [email protected]
Kommentaar
Republikein
Geen kommentaar is op hierdie artikel gelaat nie