Likwidateurs wen diamantsaak

Diamante ter waarde van sowat N$9,5 miljoen wat al jare in die besit van die Namibiese polisie is, sal aan die bekende likwidateurs, David Bruni en Ian McLaren, oorhandig word.Regter Collins Parker het verlede week beveel dat die inspekteur-generaal van die Namibiese polisie die diamante aan die likwidateurs moet gee.In die hofaansoek het Bruni en Ian McLaren beweer hulle is geregtig op die diamante as die likwidateurs van Bret Investments. Toe die polisie egter sloer om die diamante aan hulle te oorhandig, het hulle in 2022 die hof genader met die bewering dat die polisie die uitvoering van hul mandaat as likwidateurs kniehalter.In die hofsaak het die polisie aangevoer dat die diamante deur ’n onwettige transaksie bekom is deurdat die persoon wat die diamante verkoop het, nie ingevolge die wet gemagtig was om dit te verkoop nie.Parker het egter in die guns van die likwidateurs beslis. Die hofbevel het verder gestipuleer dat die diamantkommissie aan die likwidateurs ’n permit ingevolge die wet op diamante moet uitreik.AGTERGONDIn 2008 het Bret Investments ingevolge ’n hoërhofbevel likwidasie in die gesig gestaar en in 2010 is McLaren en Bruni as gesamentlike likwidateurs aangewys.Die diamante is ingevolge ’n hofbevel onder die toesig van die polisie se eenheid vir beskermde hulpbronne geplaas.As deel van die skikking in Julie 2018 het die minister van myne en energie na bewering die groen lig aan McLaren en Bruni gegee om permitte van die diamantkommissaris te ontvang wat hulle toelaat om die diamante weer in besit te neem.Hul pogings om die diamante terug te kry, is na bewering met weerstand deur die polisie begroet.“Die eerste verweerder [inspekteur-generaal] het geen wettige basis om voort te gaan om die diamante te hou nie,” het McLaren in ’n verklaring aangevoer.Die polisie het aangevoer die diamante is gekonfiskeer ingevolge ’n oortreding van die diamantwet aangesien dit sonder die magtiging van die ministerie van myne en energie verkoop is.Die ander verweerders in die saak, sluit in die minister van binnelandse sake, immigrasie, veiligheid en sekuriteit, die minister van myne en energie en die diamantkommissaris.Die uitspraak is op 2 Julie in die hoërhof in Windhoek gelewer.– kristien@nmh-hub.com.na

Likwidateurs wen diamantsaak

Kommentaar

Republikein 2026-08-03

Meld asseblief aan om kommentaar te lewer

Likwidateurs wen diamantsaak

Kommentaar

Republikein 2026-08-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.