Kommersiële boere sluit aan by hofstryd oor Rooilyn
Belangrike partye nie by saak ingesluit
Volgens Amupanda is die VCF as 'n "koloniale struktuur" ongrondwetlik omdat dit vir koloniale doeleindes opgerig is.
Ellanie Smit – Twee bekende kommersiële boere het as derde partye aangesluit teen die Affirmative Repositioning (AR)-aktivis Job Amupanda se saak waarin hy die verwydering van die die veeartsenykordonheining (VCF), ook bekend as die Rooilyn, eis.
Amupanda het op 26 Mei verlede jaar ’n hofbevel aangevra om die heining te laat verwyder en as onwettig en ongrondwetlik te laat verklaar.
Hy het mnr. Calle Schlettwein as minister van landbou, water en grondhervorming, die regering, prokureur-generaal Festus Mbandeka en ’n amptenaar in die direktoraat van veeartsenydienste, Hango Nambinga, as verweerders in die saak gelys.
Die Vleisraad van Namibië is as ’n vyfde verweerder bygevoeg ná sy verdoek om ingesluit te word.
Nou het die kommersiële boere Andre Compion en Diethelm Metzger beide kennis gegee van hul voorneme om die aksie wat deur Amupanda teen die verweerders ingestel is, te verdedig as derde partye wat direkte en wesenlike belange in of voldoende belang in die aangeleentheid het.
Die verweerders het tevore die hoërhof gevra vir ’n bevel om verskeie ander wesenlike belanghebbendes in dié saak se name by die lys te voeg.
Hulle het ook versoek dat alle kommersiële en kommunale boere op grond in Namibië suid van die heining, asook die eienaars en/of bewoners van grond in die bek-en-klouseer-moniteringsones tussen die wildwerende heining en die veevaste heining, by die saak betrek word.
Luidens Metzger se kennisgewing is hy ’n kommersiële beesboer wat, in ’n vennootskap onder die naam Kamab Simbra, op die plaas Neu-Otjisauona in die Windhoek-distrik suid van die VCF boer.
Intussen sê Compion hy is ’n kommersiële beesboer wat onder ’n eenmansaak op plaas MareeWil in die Okahandja-distrik suid van die VCF boer, en die besturende vennoot in ’n beesboerdery onder die naam Hinterland Boerdery op die plase Amalia en Koppiealleen, geleë in die Okahandja-distrik.
Amupanda het in sy gewysigde eisbesonderhede gesê die beleid en administratiewe optrede om die VCF op te rig en daarna te handhaaf, is skreiend, wreed, skandelik en drakonies.
Die verweerders het egter in hul pleitbesonderhede hierdie bewerings ontken en gesê Amupanda misbruik deur hierdie verrigtinge die hof met die bydoeling om ’n politieke agenda te bereik.
Volgens Amupanda is die VCF as ’n “koloniale struktuur” ongrondwetlik omdat dit opgerig is om koloniale doelwitte te bereik.
“Geen wet keur dit goed of maak daarvoor voorsiening nie. In Namibië is dit nie rasioneel verbind met enige doeleindes nie. Mense wat van noordelike gebiede af kom, word nie dieselfde behandel as dié van herkoms in die suide nie.”
Hy sê die heining is opgerig om as ’n “skild” te dien om mense en hul vee suid van die heining te isoleer teen waargenome of werklike siektes wat noord van die Rooilyn ontstaan.
Hy sê dié beskerming en isolasie word nie verleen aan mense wat noord van die Rooilyn met hul vee woon nie. Dit is diskriminerend, voer hy aan.
Die verweerders het intussen ontken die onderskeid – wat die grondslag van Amupanda se saak vorm – diskriminerend, irrasioneel, onredelik of onbillik is.
– [email protected]
Amupanda het op 26 Mei verlede jaar ’n hofbevel aangevra om die heining te laat verwyder en as onwettig en ongrondwetlik te laat verklaar.
Hy het mnr. Calle Schlettwein as minister van landbou, water en grondhervorming, die regering, prokureur-generaal Festus Mbandeka en ’n amptenaar in die direktoraat van veeartsenydienste, Hango Nambinga, as verweerders in die saak gelys.
Die Vleisraad van Namibië is as ’n vyfde verweerder bygevoeg ná sy verdoek om ingesluit te word.
Nou het die kommersiële boere Andre Compion en Diethelm Metzger beide kennis gegee van hul voorneme om die aksie wat deur Amupanda teen die verweerders ingestel is, te verdedig as derde partye wat direkte en wesenlike belange in of voldoende belang in die aangeleentheid het.
Die verweerders het tevore die hoërhof gevra vir ’n bevel om verskeie ander wesenlike belanghebbendes in dié saak se name by die lys te voeg.
Hulle het ook versoek dat alle kommersiële en kommunale boere op grond in Namibië suid van die heining, asook die eienaars en/of bewoners van grond in die bek-en-klouseer-moniteringsones tussen die wildwerende heining en die veevaste heining, by die saak betrek word.
Luidens Metzger se kennisgewing is hy ’n kommersiële beesboer wat, in ’n vennootskap onder die naam Kamab Simbra, op die plaas Neu-Otjisauona in die Windhoek-distrik suid van die VCF boer.
Intussen sê Compion hy is ’n kommersiële beesboer wat onder ’n eenmansaak op plaas MareeWil in die Okahandja-distrik suid van die VCF boer, en die besturende vennoot in ’n beesboerdery onder die naam Hinterland Boerdery op die plase Amalia en Koppiealleen, geleë in die Okahandja-distrik.
Amupanda het in sy gewysigde eisbesonderhede gesê die beleid en administratiewe optrede om die VCF op te rig en daarna te handhaaf, is skreiend, wreed, skandelik en drakonies.
Die verweerders het egter in hul pleitbesonderhede hierdie bewerings ontken en gesê Amupanda misbruik deur hierdie verrigtinge die hof met die bydoeling om ’n politieke agenda te bereik.
Volgens Amupanda is die VCF as ’n “koloniale struktuur” ongrondwetlik omdat dit opgerig is om koloniale doelwitte te bereik.
“Geen wet keur dit goed of maak daarvoor voorsiening nie. In Namibië is dit nie rasioneel verbind met enige doeleindes nie. Mense wat van noordelike gebiede af kom, word nie dieselfde behandel as dié van herkoms in die suide nie.”
Hy sê die heining is opgerig om as ’n “skild” te dien om mense en hul vee suid van die heining te isoleer teen waargenome of werklike siektes wat noord van die Rooilyn ontstaan.
Hy sê dié beskerming en isolasie word nie verleen aan mense wat noord van die Rooilyn met hul vee woon nie. Dit is diskriminerend, voer hy aan.
Die verweerders het intussen ontken die onderskeid – wat die grondslag van Amupanda se saak vorm – diskriminerend, irrasioneel, onredelik of onbillik is.
– [email protected]
Kommentaar
Republikein
Geen kommentaar is op hierdie artikel gelaat nie