Kokaiënsmokkelaars Noble en Azhar kry elk 12 jaar
Vyf jaar van hul vonnis is opgeskort
Ná 'n hofstryd van vier jaar is twee dwelmhandelaars gister gevonnis.
Grant Noble en Dinah Azhar is gister in die hoërhof in Windhoek elkeen tot 12 jaar tronkstraf gevonnis, waarvan hulle effektiewelik sewe jaar sal uitdien.
Afgesien van klaarblyklike teleurstelling en hoorbare snikke van familielede in die hofsaal, het die twee mans min waarneembare reaksie getoon.
Weens die feit dat albei beskuldigdes deur die loop van hul verhoor reeds in aanhouding was, is hulle vonnisse met vyf jaar elk opgeskort.
Noble en Azhar is in Augustus skuldig bevind aan dwelmhandel, maar is onskuldig bevind op ’n klag van geldwassery.
Die hof het bevind dat die mans doelbewus 412 kg kokaïen vanaf Brasilië die land probeer insmokkel het onder die voorwendsel dat hulle net in fotostaatpapier handel dryf.
Hierdie sou sover bekend die grootste enkele invoer van dwelms in die Namibiese geskiedenis wees, met die vorige rekordbeslaglegging op ’n vrag van 31,1 kg kokaïen.
Regter Orben Sibeya het tydens die vonnisoplegging genoem die skuldiges se ouderdomme, veral Azhar se gevorderde ouderdom, het as versagtende omstandighede gedien.
“Ek kan my indink watter verwoestende impak dit sou hê as so ’n groot vrag kokaïen die mense bereik het. Dit het die kapasiteit om die nasie tot op sy knieë te dwing,” het Sibeya tydens vonnisoplegging gesê.
Die 412 kg kokaïen wat Noble en Azhar probeer insmokkel het, sowel as die fotostaatpapier, is aan die staat verbeurd verklaar.
– [email protected]
Afgesien van klaarblyklike teleurstelling en hoorbare snikke van familielede in die hofsaal, het die twee mans min waarneembare reaksie getoon.
Weens die feit dat albei beskuldigdes deur die loop van hul verhoor reeds in aanhouding was, is hulle vonnisse met vyf jaar elk opgeskort.
Noble en Azhar is in Augustus skuldig bevind aan dwelmhandel, maar is onskuldig bevind op ’n klag van geldwassery.
Die hof het bevind dat die mans doelbewus 412 kg kokaïen vanaf Brasilië die land probeer insmokkel het onder die voorwendsel dat hulle net in fotostaatpapier handel dryf.
Hierdie sou sover bekend die grootste enkele invoer van dwelms in die Namibiese geskiedenis wees, met die vorige rekordbeslaglegging op ’n vrag van 31,1 kg kokaïen.
Regter Orben Sibeya het tydens die vonnisoplegging genoem die skuldiges se ouderdomme, veral Azhar se gevorderde ouderdom, het as versagtende omstandighede gedien.
“Ek kan my indink watter verwoestende impak dit sou hê as so ’n groot vrag kokaïen die mense bereik het. Dit het die kapasiteit om die nasie tot op sy knieë te dwing,” het Sibeya tydens vonnisoplegging gesê.
Die 412 kg kokaïen wat Noble en Azhar probeer insmokkel het, sowel as die fotostaatpapier, is aan die staat verbeurd verklaar.
– [email protected]
Kommentaar
Republikein
Geen kommentaar is op hierdie artikel gelaat nie