Knaldemper glo nooit afgevuur

Die knaldemper wat polisiebeamptes in die moordbeskuldigdes Marcus Thomas en Kevan Townsend se gastehuiskamer gevind het ná die beweerde moord op André Heckmair, is volgens ballistiese kenners glo nooit afgevuur nie.So het Townsend se regsverteenwoordiger, Mbanga Siyomuinji, gister in die hoërhof in Windhoek aan inspekteur Felix Ndikoma gestel. Ndikoma het hierop gereageer dat getuies aan hom gesê het hulle was van plan om die knaldemper te vervang sodat dit sou voorkom dat die geweer nooit afgevuur is nie. Ndikoma het getuig hy het wel toetse vir DNS en vir die bewyse van kruit van die Namibiese Instituut vir Forensiese Wetenskap (NIFS) aangevra. Hierdie toetse sou glo op ’n paar handskoene wat in die beskuldigdes se kamer gevind is, uitgevoer word. Ndikoma het gesê hy is onseker of hy ooit ’n forensiese verslag oor dié handskoene vanaf die NIFS ontvang het. Ndikoma het verder getuig oor die twee mans se beweerde soektog na ’n 9 mm-pistool nadat hulle in Desember 2010 na Namibië gekom het. Volgens Ndikoma is ’n selfoonnommer wat aan Townsend behoort het, gebruik om verskeie mense in dié soektog te kontak. Siyomunji het aan Ndikoma gesê die vuurwapen waarna hy verwys, is nooit gevind nie. Ndikoma het ook getuig foto’s van André Heckmair en sy familie is op Thomas se skootrekenaar gevind.STAAT PEUTER GLO MET BEWYSEDie staatsaanklaer Antonia Verhoef het te midde van aantygings dat die staat met bewysstukke gepeuter het, weer verskeie bewysstukke by die hof ingedien.Siyomunji het tydens Ndikoma se kruisondervraging aan hom gestel dat hy Thomas en Townsend se privaatheid geskend het toe hy sonder hul medewete die gastehuiskamer binnegegaan het nadat hulle in hegtenis geneem is. Dit volg na Siyomunji Dinsdag aan Ndikoma gesê het: “Jy sal alles in jou vermoë doen, want jy het ’n agenda om te bewys die beskuldigdes is skuldig.”Siyomunji het ook Dinsdag verwys na ’n verklaring deur ’n Roxanne Shaw. Townsend het glo gesê hy was die dag van die moord saam met Shaw, maar Shaw se verklaring weerspreek Townsend se weergawe. Ndikoma het gister sy getuienis afgesluit en ’n nuwe staatsgetuie sal na verwagting vandag die getuiebank inneem. – irene-mari@erongo.com.na

Knaldemper glo nooit afgevuur

Kommentaar

Republikein 2026-05-05

Meld asseblief aan om kommentaar te lewer

Knaldemper glo nooit afgevuur

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.