Howe lyk weer spiekeries
Geldtekort vertraag landswye opknapping
Die ministerie bestee miljoene aan die opgradering van die howe in Windhoek, ||Kharas en Hardap.
Die ministerie van justisie gaan voort om hofgeboue in die hoofstad en landswyd op te gradeer.
Volgens die hoofwoordvoerder, mnr. Simon Idipo, het fase 1 van die werk reeds in 2019 begin met die opknappings aan die hoërhof in Windhoek wat die boukontrakteurs Nexus in Desember 2021 voltooi het.
Die nuwe vooraansig, opgeknapte regterskamers, ’n sentrum vir bemiddeling, argiewe en verbeterde se koste was altesaam N$24,2 miljoen, sê hy.
“Daar is steeds ’n voortdurende tekort aan kantoorspasie in die gebou; wat gedurende fase 2 aandag sal kry. Die dringende behoefte is hoofsaaklik vertrekke soos bykomende regterskamers, hofsale en biblioteke.
“Die ministerie is nog nie in die posisie om die tydsraamwerk aan te dui waarbinne fase 2 afgehandel kan word nie. Fase 2 is baie duur teen ’n beraamde totale koste van N$84 miljoen – fondse wat die ministerie tans nie het nie,” brei hy uit.
Vroeër vandeesmaand het die ministerie ook opknappingswerk aan die Windhoek landdroshof teen ’n koste van N$1,1 miljoen voltooi. Volgens Idipo kon die ministerie ook verskeie hofgeboue in die Hardap en ||Kharasstreek voltooi, waar landdroshowe en rondgaande howe begin verval het.
Spesifiek is Bethanie se landdroshof opgeknap teen N$1,5 miljoen; die Koes rondgaande hofperseel se werk het N$1,4 miljoen beloop; vir Aroab rondgaande hofgebou was dit N$1,5 miljoen en Ariamsvlei se rondgaande hofgebou N$1,3 miljoen.
“Die opknappingswerk by die Lüderitz-landdroshof en Aus periodieke howe is steeds aan die gang.” Hy sê die ministerie se strewe om ook howe in ander dele van die land op te knap, word belemmer deur ’n tekort aan finansiële hulpbronne.
Nietemin is die ministerie van justisie daartoe verbind om goeie gehalte regsdienste te bied in ’n omgewing wat vir alle gebruikers van Namibië se howe bevorderlik is.
“Die verbetering en opgradering van ons howe se infrastruktuur is ’n duidelike bewys van ons toewyding om hierdie doelwit te bereik.”
– [email protected]
Volgens die hoofwoordvoerder, mnr. Simon Idipo, het fase 1 van die werk reeds in 2019 begin met die opknappings aan die hoërhof in Windhoek wat die boukontrakteurs Nexus in Desember 2021 voltooi het.
Die nuwe vooraansig, opgeknapte regterskamers, ’n sentrum vir bemiddeling, argiewe en verbeterde se koste was altesaam N$24,2 miljoen, sê hy.
“Daar is steeds ’n voortdurende tekort aan kantoorspasie in die gebou; wat gedurende fase 2 aandag sal kry. Die dringende behoefte is hoofsaaklik vertrekke soos bykomende regterskamers, hofsale en biblioteke.
“Die ministerie is nog nie in die posisie om die tydsraamwerk aan te dui waarbinne fase 2 afgehandel kan word nie. Fase 2 is baie duur teen ’n beraamde totale koste van N$84 miljoen – fondse wat die ministerie tans nie het nie,” brei hy uit.
Vroeër vandeesmaand het die ministerie ook opknappingswerk aan die Windhoek landdroshof teen ’n koste van N$1,1 miljoen voltooi. Volgens Idipo kon die ministerie ook verskeie hofgeboue in die Hardap en ||Kharasstreek voltooi, waar landdroshowe en rondgaande howe begin verval het.
Spesifiek is Bethanie se landdroshof opgeknap teen N$1,5 miljoen; die Koes rondgaande hofperseel se werk het N$1,4 miljoen beloop; vir Aroab rondgaande hofgebou was dit N$1,5 miljoen en Ariamsvlei se rondgaande hofgebou N$1,3 miljoen.
“Die opknappingswerk by die Lüderitz-landdroshof en Aus periodieke howe is steeds aan die gang.” Hy sê die ministerie se strewe om ook howe in ander dele van die land op te knap, word belemmer deur ’n tekort aan finansiële hulpbronne.
Nietemin is die ministerie van justisie daartoe verbind om goeie gehalte regsdienste te bied in ’n omgewing wat vir alle gebruikers van Namibië se howe bevorderlik is.
“Die verbetering en opgradering van ons howe se infrastruktuur is ’n duidelike bewys van ons toewyding om hierdie doelwit te bereik.”
– [email protected]
Kommentaar
Republikein
Geen kommentaar is op hierdie artikel gelaat nie