Hofsaak oor herrie in polisiekantoor
N$800 000 se eis teen polisie, ministerie
'n Man wat beweer hy is onwettig in hegtenis geneem en in aanhouding geplaas, het 'n saak teen die Namibiese polisie en die ministerie van binnelandse sake, immigrasie, veiligheid en sekuriteit aanhangig gemaak.
’n Beweerde rusie in die Katutura-polisiekantoor se parkeerterrein het gelei tot die inhegtenisname en aanhouding van ’n man wat nou skadevergoeding van die inspekteur-generaal van die Namibiese polisie, Joseph Shikongo, en die ministerie van binnelandse sake, immigrasie, veiligheid en sekuriteit eis.
’n Bestuursinstrukteur van Katutura, Leopard Ndafediva, eis N$800 000 in skadevergoeding vir aanranding, asook vir sy beweerde onregmatige inhegtenisname en aanhouding.
Die polisie en ministerie ontken enige oortredings en beweer hulle het Ndafediva wettiglik in hegtenis geneem.
AGTERGROND
Ndafediva het in Mei 2022 na die Katutura-polisiekantoor gegaan om dokumente te laat sertifiseer.
In die parkeerterrein het ’n vrou glo haar voertuig in die oprit parkeer en na ’n ander voertuig in die parkeerterrein gestap.
In die polisie en ministerie se pleitstukke beweer hulle die vrou het gestop om vir die bestuurder in die ander voertuig te vra of hy uit die parkeerplek gaan trek.
Volgens die pleitstukke het hy vir haar gesê hy sal ry sodra hy klaar op sy selfoon gepraat het; sy het besluit om vir hom te wag. Sy het die boodskap na bewering so aan Ndafediva oorgedra wat haar glo lelike opmerkings toegesnou het.
Die vrou het na bewering haar voertuig geskuif. Ndafediva het glo sy voertuig parkeer, uit sy voertuig geklim en na die kantoor gestap. Hy beweer die vrou het hom toe met ’n tweerigtingradio getik en hy erken hy het haar toe gevloek.
Die vrou beweer sy het hom nie getik nie, maar het hom wel gevra of dit is hoe hy met mense praat.
Beide het by die kantoor ingestap en die vrou het agter die toonbank ingegaan en Ndafediva het besef sy is ’n polisiebeampte in gewone klere. Sy het glo vir hom gesê niemand gaan hom help nie.
Die polisie en ministerie ontken dié bewering. Sy het glo haar kollegas van die insident vertel en hulle het gesê hulle gaan hom nie help nie.
Ndafediva het na bewering vir die beamptes gesê polisiebeamptes is staatsamptenare en dit is hul plig om lede van die publiek te help.
Die konstabel het na bewering verskeie kere vir Ndafediva gevra om op die bank te sit. Hy het glo geweier en voortgegaan om ’n rumoer in die kantoor te veroorsaak, luidens die pleitstukke.
Die polisie en ministerie erken dat die konstabel hom gedwing het om te sit, maar ontken dat hy Ndafediva aangerand het.
Ndafediva is daarna in hegtenis geneem en na die Wanaheda-polisiekantoor geneem. Die polisie voer verder aan dat hulle hom wettiglik in hegtenis geneem het.
Ndafediva was vanaf 6 tot 9 Mei in aanhouding en is Maandag 9 Mei na die landdroshof geneem. Die staatsaanklaer het glo geweier om hom te vervolg en hy is gevolglik vrygelaat.
Partye het Woensdag voor regter Nate Ndauendapo in die hoërhof in Windhoek verskyn vir voorverhoorverrigtinge.
– [email protected]
’n Bestuursinstrukteur van Katutura, Leopard Ndafediva, eis N$800 000 in skadevergoeding vir aanranding, asook vir sy beweerde onregmatige inhegtenisname en aanhouding.
Die polisie en ministerie ontken enige oortredings en beweer hulle het Ndafediva wettiglik in hegtenis geneem.
AGTERGROND
Ndafediva het in Mei 2022 na die Katutura-polisiekantoor gegaan om dokumente te laat sertifiseer.
In die parkeerterrein het ’n vrou glo haar voertuig in die oprit parkeer en na ’n ander voertuig in die parkeerterrein gestap.
In die polisie en ministerie se pleitstukke beweer hulle die vrou het gestop om vir die bestuurder in die ander voertuig te vra of hy uit die parkeerplek gaan trek.
Volgens die pleitstukke het hy vir haar gesê hy sal ry sodra hy klaar op sy selfoon gepraat het; sy het besluit om vir hom te wag. Sy het die boodskap na bewering so aan Ndafediva oorgedra wat haar glo lelike opmerkings toegesnou het.
Die vrou het na bewering haar voertuig geskuif. Ndafediva het glo sy voertuig parkeer, uit sy voertuig geklim en na die kantoor gestap. Hy beweer die vrou het hom toe met ’n tweerigtingradio getik en hy erken hy het haar toe gevloek.
Die vrou beweer sy het hom nie getik nie, maar het hom wel gevra of dit is hoe hy met mense praat.
Beide het by die kantoor ingestap en die vrou het agter die toonbank ingegaan en Ndafediva het besef sy is ’n polisiebeampte in gewone klere. Sy het glo vir hom gesê niemand gaan hom help nie.
Die polisie en ministerie ontken dié bewering. Sy het glo haar kollegas van die insident vertel en hulle het gesê hulle gaan hom nie help nie.
Ndafediva het na bewering vir die beamptes gesê polisiebeamptes is staatsamptenare en dit is hul plig om lede van die publiek te help.
Die konstabel het na bewering verskeie kere vir Ndafediva gevra om op die bank te sit. Hy het glo geweier en voortgegaan om ’n rumoer in die kantoor te veroorsaak, luidens die pleitstukke.
Die polisie en ministerie erken dat die konstabel hom gedwing het om te sit, maar ontken dat hy Ndafediva aangerand het.
Ndafediva is daarna in hegtenis geneem en na die Wanaheda-polisiekantoor geneem. Die polisie voer verder aan dat hulle hom wettiglik in hegtenis geneem het.
Ndafediva was vanaf 6 tot 9 Mei in aanhouding en is Maandag 9 Mei na die landdroshof geneem. Die staatsaanklaer het glo geweier om hom te vervolg en hy is gevolglik vrygelaat.
Partye het Woensdag voor regter Nate Ndauendapo in die hoërhof in Windhoek verskyn vir voorverhoorverrigtinge.
– [email protected]
Kommentaar
Republikein
Geen kommentaar is op hierdie artikel gelaat nie