Hofbevel teen ‘oneerlike’ prokureur

Die hoërhof het bevind daar rede is om te glo dat ’n regspraktisyn versuim het om die hof in te lig dat hy skuldig bevind is aan bedrog, diefstal en omkopery, voordat hy as regspraktisyn aanvaar is.Die waarnemende regter Beatrix de Jager het boonop bevind dat daar bewyse bestaan dat die prokureur, Haroldt Kamatuka, ook oneerlik opgetree het. Hy loop nou die risiko om strafregtelik aangekla te word en dat sy naam van die rol geskrap word.De Jager het verlede week ’n aansoek van die Regsvereniging van Namibië (LSN) toegestaan en ’n rule nisi-bevel uitgereik.Ingevolge dié bevel moet Kamatuka voor 5 Julie wys waarom sy naam nie van die rol geskrap moet word nie, asook waarom ’n saak van bedrog, diefstal, omkopery en die oortreding van die wet vir regspraktisyns nie na die aanklaer-generaal verwys moet word nie.Die saak is uitgestel tot 17 Julie.De Jager het in haar uitspraak bevind dat Kamatuka onder eed oneerlik was in sy aansoek om toelating, asook in &#039;n beëdigde verklaring aan die LSN. “&#039;n Regspraktisyn wat onder eed oneerlik is, kan as ongeskik beskou word om &#039;n regspraktisyn te bly.”WANGEDRAGDaar word beweer dat Kamatuka homself as &#039;n regspraktisyn voorgehou het en &#039;n testament vir iemand opgestel het – en waarvoor hy betaling ontvang het – terwyl hy slegs &#039;n kandidaat-regspraktisyn was. Daar word verder beweer dat Kamatuka hom daarna as &#039;n praktiserende regspraktisyn voorgedoen het met sy eie firma. Hy het glo geld van iemand aanvaar terwyl hy nie sy eie firma, &#039;n trustrekening of getrouheidsfondssertifikaat gehad het nie.“Kamatuka het na bewering versuim om die balans van &#039;n oordrag wat op 28 Desember 2022 aan hom gemaak is, aan die persoon terug te betaal. Kamatuka het &#039;n onroerende eiendom, wat met daardie fondse gekoop is, in sy naam en dié van sy vrou geregistreer sonder om dit daarna te registreer en aan die derde party oor te dra vir wie die huis was bedoel,” lui die hofstukke.TOELATINGDe Jager het in haar uitspraak daarop gewys dat individue wat toelatingsaansoeke bring, aan die vereiste moet voldoen om elke feit of omstandighede wat die hof se besluit kan beïnvloed, openbaar te maak.“Die versuim om dit te doen, is &#039;n skending van goeie trou. Die beroep van &#039;n regspraktisyn vereis uiterste goeie trou van regspraktisyns en aspirant-regspraktisyns. “Daar is geen twyfel dat strafregtelike skuldigbevindings wesenlik en relevant is vir die vraag of &#039;n aansoeker &#039;n geskikte en gepaste persoon is vir toelating as &#039;n regspraktisyn nie,” het De Jager in haar uitspraak benadruk.Sy het verder bevind dat Kamatuka se vorige veroordelings van bedrog, diefstal en omkopery as waar en korrek aanvaar word totdat teenstrydige bewyse gelewer word. Sy meen verder dit is voldoende vir die hof om tot die gevolgtrekking te kom dat hy nie &#039;n geskikte en gepaste persoon is om &#039;n regspraktisyn te bly nie en om sy naam van die rol te skrap.“Dit is ernstige oortredings wat elemente van oneerlikheid behels, wat fundamenteel in stryd is met die standaarde van alle regspraktisyns.”KOSTEDe Jager het verder beveel dat Kamatuka die regskostes van die LSN moet betaal vir die aansoek wat die LSN teen hom aanhangig gemaak het. “Die applikant [LSN], wat redelik opgetree het, het die hof genader op grond van hul openbare plig en dit behoort nie uit hulle eie sak te kom om dit te doen nie,” lui die uitspraak.– kristien@nmh-hub.com.na

Hofbevel teen ‘oneerlike’ prokureur

Kommentaar

Republikein 2025-09-17

Meld asseblief aan om kommentaar te lewer

Hofbevel teen ‘oneerlike’ prokureur

Kommentaar

Republikein 2025-09-17

Meld asseblief aan om kommentaar te lewer

MELD AAN

Advertensie