Hof sê Van Wyks mag dokumente wysig

Die hoërhof in Windhoek het onlangs ’n uitspraak gelewer wat die Van Wyk-gesin toelaat om hul eisbesonderhede te wysig in die saak waarin hulle miljoene van Harvey Boulter eis.Gerhard van Wyk (sr.) se vrou Alta, seun Gerhard (jr.), dogter Michelle en Gerhard (jr.) se vrou Liani, eis altesaam sowat N$84,5 miljoen in skadevergoeding van Boulter nadat hy na bewering Gerhard (sr.) op 27 Februarie 2021 op sy plaas in die Kamanjab-omgewing geskiet het.Boulter het beswaar gemaak teen die gesin se aansoek om hulle eisbesonderhede te wysig. Regter Orben Sibeya het egter Maandag in die guns van die Van Wyks beslis.“Die besware wat teen die aansoek om wysiging geopper is, het geen meriete nie, daarom word die aansoek om verlof om die besonderhede van vordering te wysig, toegestaan.“Ek bevind dat sommige van die besware wat geopper is, nie streng gesproke die verweerders [Boulter] benadeel nie. Ek is van die mening dat die wysigings wat aangevra is in ’n vroeë stadium van die verrigtinge is en die verweerders steeds ’n geleentheid sal kry om hul verwere toepaslik te opper,” lui die uitspraak.Een van die besware wat deur Boulter en sy regspan geopper is, is die feit dat die eksekuteur van die oorledene se boedel, nie by die saak ingesluit is nie.“Die kwessie van die uitlating van die eksekuteur van wyle mnr. Van Wyk se boedel, kan steeds as ’n spesiale pleit geopper word, dus het die verweerders nog ruimte om dit te opper,” het Sibeya in sy uitspraak verseker.Sibeya het beveel dat die Van Wyks die gewysigde eisbesonderhede voor 18 Maart indien en die saak is tot 28 Maart uitgestel vir verdere voorverhoorverrigtinge.AARD VAN WYSIGINGIn die Van Wyks se slotbetoë vir hulle aansoek het hofstukke aangedui dat hulle van voorneme is om hulle eisbesonderhede te wysig om onder meer duidelikheid te verskaf oor die aard van die kontraktuele eis op grond van die beweerde onregmatige afdanking en om die omvang van skade ten opsigte van die kontraktuele skadevergoeding wat geëis word, te verduidelik.Hulle wil glo ook verdere verduideliking verskaf met betrekking tot Boulter se aanspreeklikheid vir die skade wat hy die gesin berokken het deur die beweerde onregmatige doodmaak van die oorledene.KOSTESSibeya het wel beslis die Van Wyks moet die verspilde koste betaal wat Boulter en sy regspan aangegaan het.“Ek het in ag geneem dat dit die tweede aansoek om wysiging deur die eisers [Van Wyks] is en dit kan die verweerders benadeel, selfs net minimaal.“Op grond hiervan, is ek van mening dat die verweerders verdien om vergoed te word vir hul verspilde koste en sal dit daarom aan die verweerders toegeken word.”EISEAlta eis sowat N$50 miljoen. Sy eis sowat N$33 miljoen vir verlies aan ondersteuning; N$16 miljoen vir algemene skadevergoeding; verlies aan inkomste en ’n vrystelling van haar dienskontrak en ’n betaling van N$137 500; N$1 miljoen vir ondraaglike lewensomstandighede ná die voorval en N$ 24 500 vir vervoerkoste en begrafnisuitgawes.Die oorledene se seun, Gerhard (jr.) eis altesaam N$22,7 miljoen vir algemene skadevergoeding, verlies aan ondersteuning en ondraaglike lewensomstandighede ná die voorval.Die oorledene se dogter eis N$8 miljoen en sy skoondogter N$3,9 miljoen weens dieselfde redes.Die algemene vergoeding verteenwoordig volgens die eis, die emosionele trauma, skok, pyn en lyding wat die familie moes verduur toe hul moes aanskou hoe die oorledene geskiet is en hul pogings om sy lewe te red.Hulle eis ook op grond van die beweerde beëindiging van hulle dienskontrakte deur Boulter. – kristien@nmh-hub.com.na

Hof sê Van Wyks mag dokumente wysig

Kommentaar

Republikein 2026-02-03

Meld asseblief aan om kommentaar te lewer

Hof sê Van Wyks mag dokumente wysig

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.