Hof sê Amushelelo moet voertuigskuld vereffen

Die hof het Vrydag Bank Windhoek se aansoek vir ’n summiere vonnis teen mnr. Michael Amushelelo, ’n handelaar in buitelandse valuta, toegestaan.Die bank het Amushelelo aanvanklik gedagvaar om ’n Mercedes Benz AMG aan die bank terug te besorg, sowel as die oorblywende sowat N$220 000 wat hy nog op dié voertuig skuld.Bank Windhoek het tydens die verhoor sy aansoek gewysig en het die terugbesorging van die voertuig laat vaar en slegs die uitstaande bedrag geëis.Regter Boas Usiku het tydens sy uitspraak in die hoërhof in Windhoek beslis dat Amushelelo dié bedrag met rente vanaf 21 Julie 2021 tot die datum van finale betaling, moet betaal.“Ek is van mening dat die verdediging nie ’n bona fida-verweer gelewer het nie en daar geen kwessies is wat tydens ’n verhoor uitgeklaar moet word nie. Die aansoek om summiere vonnis word dus toegestaan,” lui Usiku se uitspraak.AGTERGRONDDie bank en Amushelelo het in Julie 2019 ’n skriftelike afbetalingsooreenkoms vir die voertuig onderteken.Die voertuig se koopprys is ongeveer N$982 000 en die maandelikse paaiement was bykans N$18 000 wat vanaf 1 Augustus 2019 betaalbaar was.Volgens die ooreenkoms sou die voertuig die bank se eiendom bly tot die finale betaling ontvang is.Die owerhede het in Desember 2020 beslag op die voertuig gelê ingevolge die Wet op die Voorkoming van Georganiseerde Misdaad 29 van 2004 (Poca) op grond van klagte van bedrog waarop Amushelelo teregstaan.Hy het gevolglik nie die maandelikse paaiemente vanaf November 2019 betaal nie.Die bank het in Julie 2021 die aansoek teen Amushelelo aanhangig gemaak en het later die aansoek om ’n summiere vonnis gebring.Amushelelo het bevestig dat hy nie die ooreenkoms nagekom het nie en die voertuig is ingevolge ’n visenterings- en beslagleggingslasbrief gekonfiskeer.Al sy bankrekeninge is glo gevries en hy is verbied om transaksies op daardie rekeninge te doen.“Die verweerder [Amushelelo] betwis nie sy skuld aan die eiser [Bank Windhoek] nie en die saldosertifikaat is voldoende bewys van die verskuldigde bedrag,” het Usiku gesê.Die regter het ook beveel die bedrag wat Amushelelo reeds ingevolge die ooreenkoms betaal het, word aan die bank verbeur.– kristien@republikein.com.na

Hof sê Amushelelo moet voertuigskuld vereffen

Kommentaar

Republikein 2025-04-30

Meld asseblief aan om kommentaar te lewer

Hof sê Amushelelo moet voertuigskuld vereffen

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie