Hof beslis Yslanders se vrae moet wag

Regter Orben Sibeya het Woensdag in die hoërhof in Windhoek die maatskappye wat deur Yslanders besit word en na bewering by die Fishrot-korrupsiesaak betrokke was, se aansoek van die hand gewys om die aanklaer-generaal (AG), me. Martha Imalwa, en die staat se hokaairoeper, Yslander Johannes Stefansson, onder kruisondervraging te plaas.Die maatskappye is ook verhoed om in hierdie stadium in die saak oor die Wet op die Voorkoming van Georganiseerde Misdaad 29 van 2004 (Poca) te argumenteer dat die aanklagte teen hulle teruggetrek moet word.Hulle beweer die hangende strafregtelike saak teen die Fishrot-beskuldigdes het tot dusver nog geen aanduiding gegee dat hulle aangekla sal word nie.Die ses maatskappye - die Yslandse Samherji-groep en hul Namibiese maatskappye; Mermaria Seafood Namibia, Heinaste Investments, Saga Seafood, Esja Holdings en Esja Investments - het tydens die Poca-saak, waar Imalwa aansoek doen vir &#039;n eiendomsbeperkingsbevel om beslag te lê op bates wat verband hou met die Fishrot-saak, die hof versoek om mondelingse getuienis aan te hoor en hulle toe te laat om Imalwa en Stefansson te kruisondervra.Die maatskappye se regsverteenwoordigers wou glo tydens kruisondervraging bevestig of Stefansson in die Fishrot-saak sal getuig en ook van die geleentheid gebruik maak om hom te vra oor sy aantygings teen die maatskappye.Vir Imalwa wou hulle vra oor haar bedoeling om drie Yslanders in hul persoonlike kapasiteit na Namibië uitgelewer te kry en hulle te vervolg. Sy is glo van plan om drie mans wat in Ysland is, asook verteenwoordigers van die vyf Namibiese maatskappye aan te kla.– kristien@republikein.com.na

Hof beslis Yslanders se vrae moet wag

Kommentaar

Republikein 2026-05-05

Meld asseblief aan om kommentaar te lewer

Hof beslis Yslanders se vrae moet wag

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.