Hengari se regstryd teen NWR hervat

Die voormalige uitvoerende hoof van Namibia Wildlife Resorts (NWR), me. Zelna Hengari, se eis teen die NWR het Maandag in die hoërhof in Windhoek hervat en die verhoor sal tot 31 Maart duur.Hengari dagvaar NWR vir N$7,5 miljoen in skadevergoeding weens ’n mediaverklaring wat volgens haar onakkurate inligting bevat en haar naam en reputasie geskend het.Die mediaverklaring het Hengari daarvan beskuldig dat sy sonder magtiging en sonder die nodige goedkeuring van die NWR ’n ooreenkoms met Sun Karros Lifestyle Safaris gesluit het. Dit was ook die rede waarom Hengari aan die begin van 2019 geskors is.Hengari eis N$800 000 vir die skade aan haar naam en N$6 700 000 vir die skade aan haar professionele naam en integriteit.Benewens die N$7,5 miljoen, eis Hengari ook dat NWR ’n openbare verskoning aan haar rig in die vorm van ’n mediaverklaring wat minstens in twee nasionale koerante, waarvan een spesifiek The Namibian moet wees, geplaas word.“Die publikasie van die mediaverklaring op 5 April 2018 was in openbare belang en tot voordeel van die publiek. NWR is &#039;n maatskappy wat ten volle deur die staat besit word. Daarom is die behoorlike bestuur van die maatskappy in die belang van die publiek – wat die uiteindelike eienaars van die maatskappy is,” het die voorsitter van die direksie van NWR, amb. Leonard Nangolo Iipumbu, in sy beëdigde verklaring gesê.AGTERGRONDDie verhoor bring veral die ooreenkoms tussen NWR en Sun Karros onder die loep.Hengari beweer sy het binne haar magte en in opdrag van NWR se direksie en die ministerie van die omgewing, toerisme en bosbou opgetree toe sy NWR in &#039;n openbare-private-vennootskap met Sun Karros gekontrakteer het.Sun Karros het glo 20 luukse tente, &#039;n swembad, &#039;n restaurant en tien kampplekke ter waarde van N$43 miljoen op NWR se Sesriem-kampeerterrein gebou.Hengari beweer die NWR se direksie het die projek goedgekeur. Die NWR ontken dat hulle die ooreenkoms met San Karros goedgekeur het en beweer Hengari het sonder magtiging die ooreenkoms gesluit.“Die gesamentlike ooreenkoms is aangegaan sonder die magtiging of medewete van die raad van direkteure van NWR of van die minister van die omgewing en toerisme of die minister van finansies,” lui Iipumbu se verklaring.Volgens hofstukke weier NWR om enige skadevergoeding te betaal.“As die eiser enige skade gely het, was dit ’n produk van haar eie wil om die ooreenkoms met Sun Karros aan te gaan sonder die nodige goedkeuring,” het die NWR in sy verklaring gesê.Die eis is reeds in Maart 2020 by die hoërhof aanhangig gemaak.– kristien@republikein.com.na

Hengari se regstryd teen NWR hervat

Kommentaar

Republikein 2026-06-10

Meld asseblief aan om kommentaar te lewer

Hengari se regstryd teen NWR hervat

Kommentaar

Republikein 2026-06-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.