Gru-getuienis oor moordtoneel
Botma-verhoor hervat
Giel (79) en Sarie Botma (80) is in 2018 op hul plaas naby Koës vermoor.
Die staat se tweede laaste getuie in die moordverhoor waarin drie mans op die moord van ’n bejaarde egpaar op hul plaas naby Koës teregstaan, het gister ’n grusame prentjie geskets van die moordtoneel wat hy in Februarie 2018 aanskou het.
Steven Hill, destyds ’n polisie-inspekteur wat betrokke was by die invordering van bewysstukke op die moordtoneel, het gister getuig dat die 80-jarige Sarie Botma se liggaam op die badkamervloer van die egpaar se huis gevind is.
“Sy was op haar maag. Toe ons haar omdraai, het ons die skoenveters gesien. Sy het merke om haar nek gehad en dit het gelyk of sy met die veters verwurg is,” het hy getuig.
Hy het verder genoem dat haar broek halfpad afgetrek was en sy vermoedelik verkrag is.
Die 79-jarige Giel Botma is met ’n .22-geweer geskiet voordat die beskuldigdes na bewering met die egpaar se bakkie op die vlug geslaan het.
Die drie beskuldigdes, Julius Frederick Arndt (41), Johannes Christiaan (37) en Andries Afrikaner (38), het met die aanvang van die verhoor onskuldig gepleit op twee klagte van moord.
Arndt en Afrikaner is in aanhouding en Christiaan is uit op borgtog.
Die staatsaanklaer, Seredine Jacobs, het aangedui sy sal nog net een getuie roep voordat die staat sy saak sal afsluit. Dié getuie sal na verwagting vandag die getuiebank inneem.
BLAAM VERPLAAS
Arndt is ná die voorval op Aranos in hegtenis geneem met die egpaar se gesteelde voertuig in sy besit.
Hy het daarna in sy verklaring erken dat hy by die egpaar se huis ingebreek en verskeie items gesteel het en daarna die voertuig gevat het. Arndt het egter ontken dat hy die egpaar vermoor het.
Volgens hom was hy besig om in die kantoor in die huis te soek vir items om te steel, toe hy ’n geweerskoot gehoor het. Afrikaner het glo daarna na hom toe gehardloop met die geweer en gesê hy het albei slagoffers geskiet.
Afrikaner beweer egter hy was buite die huis toe hy geweerskote gehoor het. Hy het vir Arndt gaan soek en gesien hoe hy besig was om die bejaarde vrou te verwurg.
Christiaan het erken hy was by die huis, maar het glo nooit ingegaan nie. Hy beweer hy het weggehardloop toe hy besef het die egpaar is by die huis.
Die verhoor sal na verwagting tot Vrydag voortduur.
– [email protected]
Steven Hill, destyds ’n polisie-inspekteur wat betrokke was by die invordering van bewysstukke op die moordtoneel, het gister getuig dat die 80-jarige Sarie Botma se liggaam op die badkamervloer van die egpaar se huis gevind is.
“Sy was op haar maag. Toe ons haar omdraai, het ons die skoenveters gesien. Sy het merke om haar nek gehad en dit het gelyk of sy met die veters verwurg is,” het hy getuig.
Hy het verder genoem dat haar broek halfpad afgetrek was en sy vermoedelik verkrag is.
Die 79-jarige Giel Botma is met ’n .22-geweer geskiet voordat die beskuldigdes na bewering met die egpaar se bakkie op die vlug geslaan het.
Die drie beskuldigdes, Julius Frederick Arndt (41), Johannes Christiaan (37) en Andries Afrikaner (38), het met die aanvang van die verhoor onskuldig gepleit op twee klagte van moord.
Arndt en Afrikaner is in aanhouding en Christiaan is uit op borgtog.
Die staatsaanklaer, Seredine Jacobs, het aangedui sy sal nog net een getuie roep voordat die staat sy saak sal afsluit. Dié getuie sal na verwagting vandag die getuiebank inneem.
BLAAM VERPLAAS
Arndt is ná die voorval op Aranos in hegtenis geneem met die egpaar se gesteelde voertuig in sy besit.
Hy het daarna in sy verklaring erken dat hy by die egpaar se huis ingebreek en verskeie items gesteel het en daarna die voertuig gevat het. Arndt het egter ontken dat hy die egpaar vermoor het.
Volgens hom was hy besig om in die kantoor in die huis te soek vir items om te steel, toe hy ’n geweerskoot gehoor het. Afrikaner het glo daarna na hom toe gehardloop met die geweer en gesê hy het albei slagoffers geskiet.
Afrikaner beweer egter hy was buite die huis toe hy geweerskote gehoor het. Hy het vir Arndt gaan soek en gesien hoe hy besig was om die bejaarde vrou te verwurg.
Christiaan het erken hy was by die huis, maar het glo nooit ingegaan nie. Hy beweer hy het weggehardloop toe hy besef het die egpaar is by die huis.
Die verhoor sal na verwagting tot Vrydag voortduur.
– [email protected]
Kommentaar
Republikein
Geen kommentaar is op hierdie artikel gelaat nie