Fosfaatimpakverslag voldoen aan vereistes
Ellanie Smit – ’n Finale omgewings- en maatskaplike impakbeoordeling (ESIA)-verslag vir fosfaatmynbou aan die kus, het aan die ministerie van die omgewing, bosbou en toerisme se vereistes voldoen.
Die verslag is einde Oktober by die ministerie ingedien vir die beplande Sandpiper-projek vir mariene fosfaatontginning naby Walvisbaai.
Dit is volgens Namibian Marine Phosphate (NMP), wat die nuutste oor sy aansoekproses vir ’n omgewingsklaringsertifikaat (ECC) met betrekking tot mynlisensie 170 (ML 170) vir die projek, bekend gemaak het.
“Ingevolge die bepalings van Artikel 35 van die Wet op Omgewingsbestuur het die omgewingskommissaris bekend gemaak dat die ESIA aan die voorgeskrewe vereistes ten opsigte van inhoud voldoen het.”
Die hoërhof het verlede jaar ’n hofbevel uitgereik dat geen aktiwiteite by die projek sonder ’n ECC mag voortgaan nie.
Die hof het bevind dat NMP nie gedurende die betrokke tyd op die voorgeskrewe wyse vir die sertifikaat aansoek gedoen het nie.
Die hof het egter geweier om die maatskappy se mynlisensie ongeldig te verklaar.
GELDIGHEID BETWIS
Die regstappe was daarop gemik om die geldigheid van ML170, wat in Julie 2011 deur die ministerie van myne en energie uitgereik is, te betwis.
NMP het gesê – soos deur die wet vereis en ingevolge die bepalings van die wet op omgewingsbestuur – het ’n onafhanklike omgewingsbeoordelingspraktisyn (EAP) die omvattende aansoek- en ESIA-proses bestuur.
Volgens die maatskappy het die praktisyn die assesseringsfase en die finale ESIA-verslag voltooi, wat die huidige en beste beskikbare wetenskaplike data vir die gebied sowel as voorgestelde bedrywighede insluit, en dit is aan die omgewingskommissaris en die betrokke owerhede voorgelê.
Volgens NMP het ’n totaal van 133 belanghebbende en geaffekteerde partye amptelik geregistreer om aan die aansoekproses deel te neem en die ESIA is geadverteer en beskikbaar gestel vir publieke kommentaar voor dit ingehandig is.
Die voorgestelde projek sal baggerwerk en die herwinning van mariene fosfaat-sediment vanaf waterdieptes van tussen 190 meter en 275 meter behels, het die maatskappy gesê.
Die neem van monsters vir minerale hulpbronne en die ontwikkeling van ertsreserwes, asook omgewingsopnames en monitering sal ook onderneem word.
“Die voorgestelde projek sal mynbou van ongeveer 2,5 vierkante kilometer jaarliks behels. Dit is gelykstaande aan 0,0003% van die seebodem binne Namibië se eksklusiewe ekonomiese sone, wat saam met mariene diamantmynbou en die visbedryf bestaan,” volgens NMP.
Die maatskappy het gesê die projek sal jaarliks ongeveer 5,5 miljoen ton erts herwin vir aanlandige verwerking om drie miljoen ton fosfaatkonsentraat per jaar te produseer.
Meer as 600 Namibiërs sal direk en indirek in diens geneem word vir konstruksie en bedrywighede in Walvisbaai, het die maatskappy gesê. – [email protected]
Die verslag is einde Oktober by die ministerie ingedien vir die beplande Sandpiper-projek vir mariene fosfaatontginning naby Walvisbaai.
Dit is volgens Namibian Marine Phosphate (NMP), wat die nuutste oor sy aansoekproses vir ’n omgewingsklaringsertifikaat (ECC) met betrekking tot mynlisensie 170 (ML 170) vir die projek, bekend gemaak het.
“Ingevolge die bepalings van Artikel 35 van die Wet op Omgewingsbestuur het die omgewingskommissaris bekend gemaak dat die ESIA aan die voorgeskrewe vereistes ten opsigte van inhoud voldoen het.”
Die hoërhof het verlede jaar ’n hofbevel uitgereik dat geen aktiwiteite by die projek sonder ’n ECC mag voortgaan nie.
Die hof het bevind dat NMP nie gedurende die betrokke tyd op die voorgeskrewe wyse vir die sertifikaat aansoek gedoen het nie.
Die hof het egter geweier om die maatskappy se mynlisensie ongeldig te verklaar.
GELDIGHEID BETWIS
Die regstappe was daarop gemik om die geldigheid van ML170, wat in Julie 2011 deur die ministerie van myne en energie uitgereik is, te betwis.
NMP het gesê – soos deur die wet vereis en ingevolge die bepalings van die wet op omgewingsbestuur – het ’n onafhanklike omgewingsbeoordelingspraktisyn (EAP) die omvattende aansoek- en ESIA-proses bestuur.
Volgens die maatskappy het die praktisyn die assesseringsfase en die finale ESIA-verslag voltooi, wat die huidige en beste beskikbare wetenskaplike data vir die gebied sowel as voorgestelde bedrywighede insluit, en dit is aan die omgewingskommissaris en die betrokke owerhede voorgelê.
Volgens NMP het ’n totaal van 133 belanghebbende en geaffekteerde partye amptelik geregistreer om aan die aansoekproses deel te neem en die ESIA is geadverteer en beskikbaar gestel vir publieke kommentaar voor dit ingehandig is.
Die voorgestelde projek sal baggerwerk en die herwinning van mariene fosfaat-sediment vanaf waterdieptes van tussen 190 meter en 275 meter behels, het die maatskappy gesê.
Die neem van monsters vir minerale hulpbronne en die ontwikkeling van ertsreserwes, asook omgewingsopnames en monitering sal ook onderneem word.
“Die voorgestelde projek sal mynbou van ongeveer 2,5 vierkante kilometer jaarliks behels. Dit is gelykstaande aan 0,0003% van die seebodem binne Namibië se eksklusiewe ekonomiese sone, wat saam met mariene diamantmynbou en die visbedryf bestaan,” volgens NMP.
Die maatskappy het gesê die projek sal jaarliks ongeveer 5,5 miljoen ton erts herwin vir aanlandige verwerking om drie miljoen ton fosfaatkonsentraat per jaar te produseer.
Meer as 600 Namibiërs sal direk en indirek in diens geneem word vir konstruksie en bedrywighede in Walvisbaai, het die maatskappy gesê. – [email protected]
Kommentaar
Republikein
Geen kommentaar is op hierdie artikel gelaat nie