Florin wag langer vir uitspraak

Regter Shafimana Ueitele se uitspraak in Thomas Florin se aansoek om sy lewenslange vonnis te laat opskort, is afgelope Vrydag verwag, maar is tot komende Vrydag aangeskuif. Florin, wat ’n aansoek om strafregtelike vrylating by die hooggeregshof in Windhoek ingedien het, moet nog ’n week op die uitspraak wag. Florin is in 1999 tot lewenslange tronkstraf gevonnis nadat hy skuldig bevind is aan die moord op sy destydse vrou, Monika, asook aan lykskending en regsverydeling.Sy dogter het egter intussen sterk beswaar gemaak teen haar pa se hooggeregshof aansoek vir vroeë vrylating.In ’n emosionele onderhoud het Jaqueline (geen van is verskaf nie) aan ’n Duitse aanlyn koerant Ben Kurier gesê: “Hy (Florin) het iets so verskriklik gedoen, hy moet vir ’n baie lang tyd in die gevangenis daarvoor betaal. Die skuld is nog nie afbetaal nie.“Wat hy aan ons gedoen het, kan hy nooit regmaak nie.“Hy het een lewe geneem en nog twee verander. Ons lewens sou veel anders gewees het. Ek dink vandag steeds aan my ma en vra myself gereeld, hoekom?”Die Ben Kurier-berig se hoofopskrif was: “Thomas Florin het sy vrou vermoor, opgesny en gekook – sy dogter wil nie hê hy moet vrygelaat word nie.”“Nie net het hy sy eie lewe vernietig en ons ma se lewe geneem nie, hy het ook vir altyd my en Marcel se lewens verander,” het sy gesê.Jaqueline was vier jaar oud toe haar ma in 1998 vermoor is en haar broer Marcel was twee. Die kinders is deur die ma se suster en man grootgemaak. “My oom het my pa geword en my tannie my nuwe ma. Hulle is my ouers en die grootouers van my dogter.”Die moord op Monika Florin (30) is steeds een van die mees grusame misdade in die geskiedenis van Namibië. Nadat hy sy vrou doodgeslaan het, het Florin haar opgesny en gekook. Hy het van ander liggaamsdele ontslae geraak en haar beendere in die plafon van hul huis weggesteek. In Desember 1999 is hy aan die moord skuldig bevind en tot lewenslange tronkstraf gevonnis. Florin het vir meer as ’n dekade skuld ontken totdat hy in 2013 toegegee het dat hy die misdaad gepleeg het. BROERIn die onderhoud met Ben Kurier het Jaqueline gesê die skrywe van haar broer verlede jaar aan die hof waarin hy beweer dat beide kinders sy vrylating ondersteun, is vals.Marcel het die hof in ’n brief vertel dat hy en Jaqueline “daarop wag dat hulle pa Duitsland toe kom.”Hy het beweer, “My suster se dogter is baie opgewonde om haar oupa vir die eerste keer te ontmoet.”Hy het ook beweer hulle het hul pa vergewe en hy versoek die regter om dieselfde te doen.Jaqueline het dié aanspraak egter weerlê en gesê: “My dogter weet niks van hom af nie. Sy het slegs een oupa en ouma en dis my oom en tannie.”Volgens haar glo Marcel dat Florin onskuldig is. “(Thomas) het hom om sy vinger gedraai.”Sy sê die brutale moord van haar ma “kan nooit reggemaak word nie”.Florin (54) was 31 jaar oud toe hy sy vrou vermoor het. Tydens sy verhoor het hy aangevoer dat hy reg is om vrygelaat te word en dat hy geen risiko vir die samelewing inhou nie – deels weens sy bekering tot die Christendom en weens sy goeie gedrag oor die laaste twee dekades. As deel van sy aansoek het sy regspan 13 briewe van familie en vriende, insluitende Marcel en sy ma ingedien.In ’n handgeskrewe brief van sy ma Margret Wimmer (86) staan dat sy kinders na hul pa verlang, en sy ook.Sy sê haar gesondheid is in ’n brose toestand. “My tyd op aarde is besig om uit te loop. My grootste wens is om my seun weer te sien.”– republikein@republikein.com.na

Florin wag langer vir uitspraak

Kommentaar

Republikein 2025-06-18

Meld asseblief aan om kommentaar te lewer

Florin wag langer vir uitspraak

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie