Fishrot-verhoor hervat dalk eers in 2025

Talle aansoeke deur die beskuldigdes het die Fishrot-verhoor die afgelope maande vertraag.Regter Moses Chinhengo het egter Vrydag gesê hy sal geen verdere gedrag duld wat nie met die verhoor verband hou nie.Tydens Vrydag se hofverrigtinge was die meeste partye gretig om hofdatums vir die hervatting van die verhoor te skeduleer.Die voormalige minister van justisie, Sacky Shanghala, het aangedui dat hy homself in die verhoor sal verteenwoordig. Chinhengo moes dus ook sy insette kry vir die skedulering van datums.“Wanneer is jy beskikbaar? Gee vir my datums wanneer jy wil hê hierdie verhoor moet voortgaan, mnr. Shanghala.”Shanghala het in reaksie hierop geantwoord dat hy eers ander kwessies wil aanpak met betrekking tot twee aansoeke wat Chinhengo van die hand gewys het.“Ek kom daar, regter, maar ek wil hê dit moet op rekord wees dat ek benadeel word weens die gebrek aan ’n spoedige verhoor.” Die mees onlangse twee aansoeke is Dinsdag deur Shanghala en sy medebeskuldigdes, James Hatuikulipi en Pius Mwatelulo, gebring en is Vrydag van die hand gewys. Die aansoeke het betrekking tot kwessies wat hulle met die regter en sekere aspekte van die verhoor gehad het.Ná ’n uitgerekte gesprek tussen Shanghala en Chinhengo, het Shanghala voorgestel dat die verhoor eers in Augustus 2025 hervat. Mwatelula, wat ook sonder regsverteenwoordiging is, het Januarie 2026 as die datum vir verdere verrigtinge voorgestel. Die staatsaanklaer Edmund Marondedze het gesê die staat is gereed om enige tyd voort te gaan. Chinhengo het gesê dat hy die datums sou vasstel en sy besluit teen 27 Augustus sal bekend maak.SHANGHALA GEKRITISEERDie spanning tussen Chinhengo en Shanghala het tydens Vrydag se verrigtinge toegeneem tot by die punt wat Shanghala die opmerking gemaak het dat die Namibiese regstelsel “in ’n koma is”.Chinhengo het hom onderbreek en duidelikheid oor dié opmerking gesoek.“Toe jy minister van justisie was, wat het jy daaromtrent gedoen?” het Chinhengo gevra.Shanghala het daarna op die verdediging gegaan en gesê dat sy kantoor gewerk het om te verseker dat mense nie vir geringe oortredings in aanhouding geplaas word nie. Hy het ook beklemtoon dat hy die jongste in die kabinet was. “Ek word nou deur die samelewing en tronkbewaarders blameer. Hulle gee nie genoeg erkenning aan my bydraes nie, so ek sal nie kritiek aanvaar nie,” het hy gesê. – republikein@republikein.com.na

Fishrot-verhoor hervat dalk eers in 2025

Kommentaar

Republikein 2026-11-03

Meld asseblief aan om kommentaar te lewer

Fishrot-verhoor hervat dalk eers in 2025

Kommentaar

Republikein 2026-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.