Fishrot-10 verskyn weer in hoërhof
Saak uitgestel tot 19 Oktober
Die hof wag vir die uitkoms van 'n versoek aan die hooggeregshof voordat dit met die Fishrot-verhoor kan voortgaan.
Kristien Kruger
Die Fishrot-verhoor is gister tot volgende maand uitgestel hangende die uitkoms van mnr. Ricardo Gustavo se uitdaging van die voorsittende regter se besluit om homself nie aan die saak te onttrek nie.
Gustavo het aansoek gedoen dat regter Kobus Miller homself aan die saak onttrek omdat hy een van Gustavo se borgtogaansoeke aangehoor en borgtog geweier het.
Gustavo en sy regsverteenwoordiger, mnr. Trevor Brockerhoff, glo dat hy nie onpartydig tydens die verhoor gaan wees nie.
Miller het in Mei vanjaar dié onttrekkingsaansoek van die hand gewys.
In sy uitspraak het hy gesê die opmerkings wat hy in sy uitspraak oor Gustavo se aansoek om borgtog gemaak het, nie gesien kan word as ’n aanduiding dat hy bevooroordeeld in die Fishrot-verhoor sal wees nie.
Gustavo het ’n aansoek om verlof tot appèl gebring vir Miller se toestemming om sy besluit in die hooggeregshof uit te daag, maar dit is ook van die hand gewys.
Brockerhoff het daarna ’n versoek aan die hooggeregshof gerig om Miller se besluit te heroorweeg.
Die tien Fishrot-beskuldigdes, mnre. Mike Nghipunya, Sacky Shanghala, James Hatuikulipi, Tamson Hatuikulipi, Bernard Esau, Otneel Shuudifonya, Pius Mwatelulo, Phillipus Mwapopi, Nigel van Wyk en Gustavo sal weer op 19 Oktober voor Miller verskyn.
Buiten vir Gustavo, wie se aansoek om borgtog in Oktober verlede jaar toegestaan is, is die ander beskuldigdes steeds in aanhouding.
Hoofregter Peter Shivute het Miller in Januarie vanjaar aangestel om die Fishrot-verhoor aan te hoor.
– [email protected]
Die Fishrot-verhoor is gister tot volgende maand uitgestel hangende die uitkoms van mnr. Ricardo Gustavo se uitdaging van die voorsittende regter se besluit om homself nie aan die saak te onttrek nie.
Gustavo het aansoek gedoen dat regter Kobus Miller homself aan die saak onttrek omdat hy een van Gustavo se borgtogaansoeke aangehoor en borgtog geweier het.
Gustavo en sy regsverteenwoordiger, mnr. Trevor Brockerhoff, glo dat hy nie onpartydig tydens die verhoor gaan wees nie.
Miller het in Mei vanjaar dié onttrekkingsaansoek van die hand gewys.
In sy uitspraak het hy gesê die opmerkings wat hy in sy uitspraak oor Gustavo se aansoek om borgtog gemaak het, nie gesien kan word as ’n aanduiding dat hy bevooroordeeld in die Fishrot-verhoor sal wees nie.
Gustavo het ’n aansoek om verlof tot appèl gebring vir Miller se toestemming om sy besluit in die hooggeregshof uit te daag, maar dit is ook van die hand gewys.
Brockerhoff het daarna ’n versoek aan die hooggeregshof gerig om Miller se besluit te heroorweeg.
Die tien Fishrot-beskuldigdes, mnre. Mike Nghipunya, Sacky Shanghala, James Hatuikulipi, Tamson Hatuikulipi, Bernard Esau, Otneel Shuudifonya, Pius Mwatelulo, Phillipus Mwapopi, Nigel van Wyk en Gustavo sal weer op 19 Oktober voor Miller verskyn.
Buiten vir Gustavo, wie se aansoek om borgtog in Oktober verlede jaar toegestaan is, is die ander beskuldigdes steeds in aanhouding.
Hoofregter Peter Shivute het Miller in Januarie vanjaar aangestel om die Fishrot-verhoor aan te hoor.
– [email protected]
Kommentaar
Republikein
Geen kommentaar is op hierdie artikel gelaat nie