Esau soek ook geld vir regskoste

“As gevolg van die wesenlike nie-openbaarmakings, kan die hof nie tevrede wees met betrekking tot hul werklike finansiële posisie nie en kan nie bevindings maak oor noodsaaklike voorwaardes vir die maak van ’n bevel vir betaling van regskoste nie.” So beweer die aanklaer-generaal, Martha Imalwa, in hofstukke in die saak waarin die Fishrot-beskuldigde, Bernard Esau, aansoek doen dat ’n gedeelte van sy gevriesde bates aan hom beskikbaar gemaak moet word sodat hy sy regskostes daarmee kan betaal.Esau het die aansoek ingevolge afdeling 26 van die Wet op die Voorkoming van Georganiseerde Misdaad (Poca) gebring.“Om te slaag, vereis dit dat die applikant [Esau] onder eed sy belang in eiendom wat onderhewig is aan die beperkingsbevel openbaar maak en dat hulle ’n volledige beëdigde lys van hul bates en hul uitgawes verskaf. “Die derde voorwaarde is dat die applikante hierdie hof in &#039;n posisie moet plaas – deur hul openbaarmaking van inkomste en uitgawes – om die hof te oortuig dat hulle nie in staat is om die regskoste te betaal anders as deur die vrystelling van bates wat onderhewig is aan die beperkingsbevel nie. Dit het hulle nie gedoen nie,” sê Imalwa.INLIGTING ‘SKIET TEKORT’In haar beantwoordende beëdigde verklaring beweer Imalwa dat Esau versuim het om al sy finansiële inligting aan die hof bekend te maak. Dit sluit in die bekendmaking van maandelikse verslae aan kurators en geld wat genereer is deur die verkoop van beeste.Sy eis dat ander finansiële inligting nog uitstaande is, soos inbetalings van byna N$1,7 miljoen vanaf 1 Augustus 2022 tot 30 November 2023 in een van Esau se rekeninge. “Die applikant sê hierdie betalings in sy Standard Bank-rekening, spruit uit die verkoop van beeste en dat die kurators hiervan bewus is.”Esau voer egter aan dat sy aanhouding veroorsaak dat hy nie toegang tot sy elektroniese toestelle het nie en daarom versuim om rekening te hou met betalings.Imalwa beweer dat dit nie &#039;n geldige verskoning is vir die versuim om nie sowat N$1,7 miljoen bekend te maak nie.“Dit skiet tekort aan die openbaarmaking soos vereis deur afdeling 26 van Poca.”ESAU SE BOERDERYImalwa beweer verder in haar verklaring dat die waarde van Esau se lewende hawe onakkuraat is en dat geen dokumentêre bewys hiervan by die hof ingedien is nie.Esau voer aan dat sy aanhouding hom verhoed om sy vee te kan tel, maar Imalwa beweer dat dit haar bewering staaf dat die waarde wat voorsien is, onakkuraat is.“Op grond van bogenoemde voer ons aan dat hierdie hof nie in &#039;n posisie is om tevrede te wees met die applikant se openbaarmaking nie en dus nie in die posisie is om die aansoek toe te staan nie.” Esau se medebeskuldigde, James Hatuikulipi, het ook &#039;n aansoek ingevolge afdeling 26 gebring en Imalwa het ook in daardie aansoek aangevoer dat hy nie genoegsame finansiële inligting bekend gemaak het om die hof in &#039;n posisie te stel om oor die aansoek te beslis nie.– kristien@nmh-hub.com.na

Esau soek ook geld vir regskoste

Kommentaar

Republikein 2026-02-03

Meld asseblief aan om kommentaar te lewer

Esau soek ook geld vir regskoste

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.