Esau se borgaansoek uitgestel
Word op 12 Desember aangehoor
Twee Fishrot-beskuldigdes sal binnekort in die hoërhof verskyn en weer eens aansoek om borgtog doen.
Die voormalige minister van visserye en mariene hulpbronne en nou Fishrot-beskuldigde, Bernard Esau, se nuwe aansoek om borgtog sou Maandag in die hoërhof in Windhoek begin, maar is tot 12 Desember uitgestel.
Die rede vir die uitstel is die onlangse afsterwe van Esau se ma.
Daar is reeds sedert verlede jaar sprake dat Esau nog ’n aansoek om borgtog sal bring nadat hy die vorige aansoek in November 2021 teruggetrek het.
Esau is in November 2019 in hegtenis geneem en is sedertdien in aanhouding.
Hy het saam met sy skoonseun en medebeskuldigde, Tamson (Fitty) Hatuikulipi, in Julie 2020 in die Windhoekse landdroshof die eerste keer aansoek om borgtog gedoen wat deur landdros Eduard Kesslau van die hand gewys is.
Hatuikulipi en Esau het teen die weiering van hul aansoek in die hoërhof in Windhoek geappelleer, maar dié appèl is ook van die hand gewys.
Die nuwe aansoek sal op nuwe feite gebaseer moet word en sal deur regter David Munsu aangehoor word.
Esau word deur adv. Richard Metcalfe verteenwoordig.
Hy word daarvan beskuldig dat hy betrokke was in die korrupte aktiwiteite wat Yslandse maatskappye toegang tot Namibiese visvangkwotas gegee het.
Die staat beweer dat Esau meer as N$5 miljoen hieruit gebaat het.
NIGEL VAN WYK
Nog ’n Fishrot-beskuldigde, Nigel van Wyk, doen ook weer aansoek om borgtog.
Van Wyk is in Desember 2019 in hegtenis geneem nadat hy glo dokumente uit die voormalige minister van justisie en medebeskuldigde, Sacky Shanghala, se huis gehaal het.
Van Wyk het vir Shanghala gewerk.
Van Wyk is sedert sy inhegtenisname in aanhouding. Sy eerste borgtogaansoek in die landdroshof in Windhoek is in Junie 2020 van die hand gewys en sy appèl teen dié besluit is in September 2020 in die hoërhof in Windhoek van die hand gewys.
'FITTY' VERSKYN
Hatuikulipi het in Julie vanjaar op sy eie aansoek om borgtog gedoen en sal weer hierdie week in die hoërhof in Windhoek vir slotbetoë verskyn.
Partye sal Vrydag voor regter Orben Sibeya verskyn en betoë lewer waarna ’n datum vir die uitspraak geskeduleer sal word.
GUSTAVO
Die enigste Fishrot-beskuldigde wat borgtog toegestaan is, is Ricardo Gustavo.
Die aanklaer-generaal (AG), adv. Martha Imalwa, het teen hierdie besluit van die hoërhof geappelleer.
Die appèl is reeds deur ’n volbank in die hooggeregshof aangehoor en partye wag tans op uitspraak.
Regter Herman Oosthuizen het in Desember verlede jaar borgtog van N$800 000 aan Gustavo toegestaan.
Esau, Van Wyk, Hatuikulipi, Shanghala en Gustavo, asook hul medebeskuldigdes James Hatuikulipi, Mike Nghipunya, Otneel Shuudifonya, Pius Mwatelelo, Phillipus Mwapopi, staan tereg op 42 klagte van onder meer bedrog, geldwassery, diefstal en belastingontduiking.
– [email protected]
Die rede vir die uitstel is die onlangse afsterwe van Esau se ma.
Daar is reeds sedert verlede jaar sprake dat Esau nog ’n aansoek om borgtog sal bring nadat hy die vorige aansoek in November 2021 teruggetrek het.
Esau is in November 2019 in hegtenis geneem en is sedertdien in aanhouding.
Hy het saam met sy skoonseun en medebeskuldigde, Tamson (Fitty) Hatuikulipi, in Julie 2020 in die Windhoekse landdroshof die eerste keer aansoek om borgtog gedoen wat deur landdros Eduard Kesslau van die hand gewys is.
Hatuikulipi en Esau het teen die weiering van hul aansoek in die hoërhof in Windhoek geappelleer, maar dié appèl is ook van die hand gewys.
Die nuwe aansoek sal op nuwe feite gebaseer moet word en sal deur regter David Munsu aangehoor word.
Esau word deur adv. Richard Metcalfe verteenwoordig.
Hy word daarvan beskuldig dat hy betrokke was in die korrupte aktiwiteite wat Yslandse maatskappye toegang tot Namibiese visvangkwotas gegee het.
Die staat beweer dat Esau meer as N$5 miljoen hieruit gebaat het.
NIGEL VAN WYK
Nog ’n Fishrot-beskuldigde, Nigel van Wyk, doen ook weer aansoek om borgtog.
Van Wyk is in Desember 2019 in hegtenis geneem nadat hy glo dokumente uit die voormalige minister van justisie en medebeskuldigde, Sacky Shanghala, se huis gehaal het.
Van Wyk het vir Shanghala gewerk.
Van Wyk is sedert sy inhegtenisname in aanhouding. Sy eerste borgtogaansoek in die landdroshof in Windhoek is in Junie 2020 van die hand gewys en sy appèl teen dié besluit is in September 2020 in die hoërhof in Windhoek van die hand gewys.
'FITTY' VERSKYN
Hatuikulipi het in Julie vanjaar op sy eie aansoek om borgtog gedoen en sal weer hierdie week in die hoërhof in Windhoek vir slotbetoë verskyn.
Partye sal Vrydag voor regter Orben Sibeya verskyn en betoë lewer waarna ’n datum vir die uitspraak geskeduleer sal word.
GUSTAVO
Die enigste Fishrot-beskuldigde wat borgtog toegestaan is, is Ricardo Gustavo.
Die aanklaer-generaal (AG), adv. Martha Imalwa, het teen hierdie besluit van die hoërhof geappelleer.
Die appèl is reeds deur ’n volbank in die hooggeregshof aangehoor en partye wag tans op uitspraak.
Regter Herman Oosthuizen het in Desember verlede jaar borgtog van N$800 000 aan Gustavo toegestaan.
Esau, Van Wyk, Hatuikulipi, Shanghala en Gustavo, asook hul medebeskuldigdes James Hatuikulipi, Mike Nghipunya, Otneel Shuudifonya, Pius Mwatelelo, Phillipus Mwapopi, staan tereg op 42 klagte van onder meer bedrog, geldwassery, diefstal en belastingontduiking.
– [email protected]
Kommentaar
Republikein
Geen kommentaar is op hierdie artikel gelaat nie