Esau kry N$3,4 miljoen vir regskoste

Sowat N$3,4 miljoen van Bernard Esau se gevriesde bates sal na verwagting in die rekening van sy regsverteenwoordigers oorgeplaas word.Dit volg nadat regter Beatrix de Jager gister uitspraak gelewer het in die aansoek wat dié Fishrot-beskuldigde en voormalige minister van visserye en mariene hulpbronne, Bernard Esau, by die hoërhof in Windhoek aanhangig gemaak het. In De Jager se hofbevel het sy daarop gewys dat die bedrae wat beskikbaar gestel sal word, minder kan wees indien dit vasgestel word dat die bedrae wat hy moet betaal, laer is as wat sy prokureurs gesê het.Nadat Esau in Desember 2019 in hegtenis geneem is vir sy beweerde betrokkenheid by die Fishrot-skandaal, is sy bates onder ’n beperkingsbevel geplaas. Aan die begin van vanjaar het Esau ’n aansoek gebring dat ’n gedeelte van die bates aan hom beskikbaar gestel word om hom in staat te stel om sy prokureurs te betaal.Dit volg nadat Esau se aansoek om regshulp afgekeur is en hy het in sy aansoek aangevoer dat indien dié aansoek nie slaag nie, sal hy sonder verteenwoordiging wees.BEDRAGHy het aansoek gedoen vir N$1,2 miljoen om sy huidige regskoste aan sy regsverteenwoordigers van Metcalfe Beukes Attorneys te betaal – wat sedert Januarie 2021 uitstaande is – asook ’n verdere N$2,2 miljoen om sy toekomstige regskoste te betaal.Volgens sy verteenwoordigers, Florian Beukes en Richard Metcalfe, het hulle ooreengekom op ’n uurlikse fooi van N$1 800 en ’n daaglikse fooi van N$18 000.“Met inagneming van die feite wat die voorsiening vir regskostes ondersteun, blyk dit om ’n redelike bedrag te wees. Op sigself is die bedrag aansienlik, maar nie onredelik in vergelyking met die waarde van die applikant se boedel nie. Die applikante se onroerende eiendom is sowat N$21 770 000,” lui die uitspraak.Die saak is teen die aanklaer-generaal, Martha Imalwa, en die likwidateurs van die Fishrot-beskuldigdes se bates, David Bruni en Ian McLaren, gebring.“Die bedrae moet deur die tweede [Bruni] en derde [McLaren] respondente of hul opvolger betaal word in die besigheidstrustrekening van Metcalfe Beukes Attorneys,” lui De Jager se hofbevel.NIE GENOEG GELD BESKIKBAARImalwa het die aansoek teengestaan en het beweer dat Esau versuim het om al sy finansiële inligting aan die hof bekend te maak – een van die vereiste vir dié soort aansoeke. ’n Ander vereistes is dat Esau moes bewys dat hy nie die finansies beskikbaar het (buiten vir die gevriesde bates) om sy regskoste te dek nie.“Die hof is tevrede dat die applikante hul belange in die eiendom onder eed openbaar gemaak het en &#039;n beëdigde en volledige verklaring van al hul bates en laste ingedien het.“Hierdie hof is verder tevrede dat die applikante nie die betrokke uitgawes uit hul beskikbare eiendom kan dek nie,” lui De Jager se uitspraak.Esau se vrou is ook as ’n applikant in die aansoek ingesluit omdat hulle binne gemeenskap van goedere getroud is.– kristien@nmh-hub.com.na

Esau kry N$3,4 miljoen vir regskoste

Kommentaar

Republikein 2026-03-20

Meld asseblief aan om kommentaar te lewer

Esau kry N$3,4 miljoen vir regskoste

Kommentaar

Republikein 2026-03-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.