Esau in die getuienisbank

“Ek word as korrup bestempel. ’n Bedrieër. Hierdie aantygings is teen my morele en etiese waardes.”Dit was die woorde van die voormalige minister van visserye en mariene hulpbronne, Bernard Esau (65), gister tydens sy borgtogaansoek in die hoërhof in Windhoek. Dit is Esau se tweede aansoek om borgtog wat saam met die borgtogaansoek van sy medebeskuldigde, Nigel van Wyk, aangehoor word.Esau was die eerste om die getuienisbank in te neem. Hy beweer hy het niks te doen gehad met die wetsverandering in verband met die toewysing van viskwotas wat uiteindelik tot die Fishrot-skandaal gelei het nie.Hy hou vol hy is onskuldig en beweer dat hy bloot deur assosiasie geïnkrimineer word.NUWE FEITEDaar is nege nuwe feite waarop Esau se borgtogaansoek gegrond is. Die eerste is dat die staat se ondersoek nou voltooi is en daar gevolglik geen meer vrese kan wees dat hy met die ondersoek sal inmeng nie. Verder voer hy aan die samevoeging van die twee sake, wat voorheen bekend gestaan het as die Namgomar- en Fishcorsaak, sal ’n baie lang verhoor tot gevolg hê en sy reg tot ’n spoedige verhoor skend.Esau en sy regspan voer aan dat die staat nie ’n sterk saak teen hom het nie. Die staat het ook sedert Esau se vorige borgtogaansoek bykomende klagtes teen hom gemaak.Esau is ook reeds twee jaar in aanhouding en beweer sy persoonlike omstandighede en mediese toestand het sedert sy inhegtenisname ernstig verswak.PERSOONLIKE OMSTANDIGHEDEEsau het getuig dat sy plaas besig is om agteruit te gaan omdat hy nie daar is nie en sê hulle het baie veediefstal sedert sy inhegtenisname ervaar. Hy beweer hy het nie meer genoeg geld om sy regsverteenwoordiger te betaal of die uitgawes verbonde aan sy plaas en die lening wat hy op die plaas uitgeneem het, te dek nie.Hy beweer verder hy ly aan verskeie hartkwale, asook artritis en diabetes.INHEGTENISNAMEEsau is op 23 November 2019 in hegtenis geneem, maar volgens sy getuienis was hy kort daarna weer vrygelaat en het hy na sy plaas teruggekeer wat sowat 140 km vanaf Botswana se grens geleë is. Esau is drie dae ná sy vrylating weer in hegtenis geneem en is sedertdien in aanhouding.Hy beweer hy het sy jongste dogter, wat weens ’n defek aan haar ruggraat tydens geboorte verlam is en aan ’n rolstoel gekluister is, voor sy inhegtenisname laas gesien.SAAK GAAN VANDAG VOORTEsau se regsverteenwoordiger, adv. Richard Metcalfe, moes gister midde Esau se getuienis oorgee aan sy kollega, Florian Beukes, om die getuie te ondervra. Esau se getuienis sal na verwagting vandag voortgaan waarna staatsaanklaer Ed Marondedze met kruisondervraging sal voortgaan.Wanneer Esau se getuienis afgehandel is, sal Van Wyk die getuienisbank inneem.Die saak word deur regter David Munzu aangehoor en Marondedze word bygestaan deur staatsaanklaers Cliff Lutibezi en Ezekiel Ipinge.–kristien@republikein.com.na

Esau in die getuienisbank

Kommentaar

Republikein 2025-11-03

Meld asseblief aan om kommentaar te lewer

Esau in die getuienisbank

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.