Erindi wil mynbedrywighede stop

“Eksplorasie en mynaktiwiteite kan die dood van diere en die vernietiging van habitat tot gevolg hê. Dit is vir die applikante ondenkbaar waarom die ministerie van myne en energie sal toelaat dat - wat blyk &#039;n spekulatiewe EPL [eksklusiewe prospekteerlisensie] binne &#039;n private natuur- en wildreservaat [Erindi] is - toegestaan word.”Dít het die hoofbestuurder van Erindi Private Wildreservaat, Paul Joubert, in ’n verklaring gesê wat by die hoërhof in Windhoek ingedien is as deel van ’n dringende aansoek teen onder andere die ministerie van die omgewing, bosbou en toerisme, die ministerie van myne en energie, die kommissie vir aanvullende regte van minerale (MARC) en Lahia Ndinelago Junias, die houer van die EPL.In die dringende aansoek versoek die operateurs van Erindi ’n tussentydse interdik wat die verhoor vir Junias se aansoek sal staak om spesiale regte te bekom om toegang tot die gebied te kry, hangend die uitkoms van ’n hofaansoek waarin hul die uitreiking van die EPL en die ECC uitdaag.Partye het Dinsdag voor regter Hannlie Prinsloo verskyn en die saak is uitgestel tot vandag (4 Julie).ERINDIIn hofstukke beweer Joubert dat Erinidi - wat sowat 70 000 hektaar groot is - renosters en oor die 200 olifante huisves, asook talle ander bedreigde en gevaarlike diere. Hy beweer dat mynbedrywighede en eksplorasie in dié gebied die diere sal ontwrig en stres veroorsaak wat tot moontlike sterftes kan lei.“Verder, gegewe die aantal gevaarlike diere (leeus, hiënas, wildehonde, seekoeie, olifante en renosters) in Erindi, is die aansoekers nie in die posisie om enigiemand se persoonlike veiligheid in die area te beskerm nie. Dit sal onhanteerbare mens-en-dierkonflik veroorsaak wat ons baie versigtig is om te vermy,” het Joubert gesê en bygevoeg dat dit moontlik ook stropers na die area sal lok.Joubert het verder daarop gewys dat die verkryging van Erindi deur buitelandse beleggers die enkele grootste belegging in Namibië in 2020 was en dat die transaksie gegrond is op die voorneme dat Erindi ’n natuur- en wildreservaat sal bly.EPL EN ECCJoubert verduidelik dat hulle eers vanjaar bewus geword het van die EPL8325 wat reeds in Oktober 2022 goedgekeur is en geldig is tot 28 September 2025. Dit is glo uitgereik ten opsigte van dimensiesteen, basis- en skaars metale, industriële minerale en edelmetale.Joubert beweer dat die EPL se area totaal en al binne Erindi val.In die hersieningsaansoek maak Erindi op verskeie gronde staat in sy uitdaging van die besluit om die EPL uit te reik. Hulle voer onder andere aan dat hulle nie geleentheid gegun is om gehoor te word voordat die besluit geneem is nie, dat die minsiterie nie die toestand van die omgewing oorweeg het en ook nie die bewaring en beskerming van diere in ag geneem het nie.Hulle daag ook die uitreiking van die omgewingsklaringsertifikaar (ECC) van die EPL in hul hersieningsaansoek uit. Joubert voer aan dat die ECC uitgereik is onder die wanopvatting dat die gebied nie binne Erindi se grense val nie.VERHOOR EN INTERDIK Junias het in Mei vanjaar die regering genader vir hulp om toegang tot die gebied te kry waarvoor sy ’n EPL het, omrede die operateurs van Erindi haar nie toegang tot die gebied toelaat nie. Sy het dus ’n aansoek by MARC gebring en partye is genooi om op 20 en 21 Mei vertoë te lewer.Erindi se regsverteenwoordiger het op 21 Mei die MARC-verhoor bygewoon en Junias het ontken dat sy geweet het die gebied val binne die grense van Erindi. Partye is daarna ’n geleentheid gegun om te onderhandel oor toegang tot die gebied en die saak is uitgestel tot 21 Junie om die uitkoms van die onderhandeling te hoor.Erindi se operateurs beweer egter dat die MARC se verhoor foutief en onregmatig is en het gevolglik die hersieningsaansoek by die hoërhof gebring.Hulle het die MARC versoek om die verhoor te staak en nie enige besluite oor Junias se aansoek te neem nie, hangend die uitkoms van die hersieningsaansoek.Toe hulle egter niks van die MARC hoor in dié verband nie, het hulle die dringende aansoek gebring om die MARC te dwing om die proses te staak totdat die hersieningsaansoek afgehandel is.– kristien@nmh-hub.com.na

Erindi wil mynbedrywighede stop

Kommentaar

Republikein 2025-09-19

Meld asseblief aan om kommentaar te lewer

Erindi wil mynbedrywighede stop

Kommentaar

Republikein 2025-09-19

Meld asseblief aan om kommentaar te lewer

MELD AAN

Advertensie