Erindi se interdik toegestaan

Die operateurs van Erindi Private Wildreservaat het daarin geslaag om ’n tussentydse interdik te verkry teen onder andere die ministerie van van mynbou en energie. Die dringende aansoek vir die interdik is gebring as deel van ’n hersieningsaansoek om die besluit vir die uitreik van ’n eksplorasie lisensie (EPL) vir mynbedrywighede uit te daag.Die lisensie is aan ene Lahia Junias uitgereik en Erindi beweer dat dit lisensie se gebied binne die grense van die reservaat val. Die hoofbestuurder van Erindi, Paul Joubert, het in ’n verklaring beweer dat myn- en eksplorasiebedrywighede in die area van Erindi ernstige nagvolge tot die omgewing, diere en die reservaat se bedrywighede tot gevolg sal hê.Nadat Junias toegang tot die gebied geweier is, het sy ’n aansoek by die kommissie vir aanvullende regte van minerale (MARC) gebring om toegang tot die area te kry sodat sy eksplorasie kan doen op grond van die lisensie wat reeds in Oktober verlede jaar uitgereik is.UITSPRAAKErindi het die dringende aansoek gebring om dié aansoek en verhoor te staak, hangend die aansoek waarin hulle die uitreiking van die lisensie uitdaag. Die interdik is Donderdag in die hoërhof in Windhoek deur regter Hannelie Prinsloo toegestaan.“Hangend die uitkoms van die hersieningsaansoek, word die kommissie [MARC] hiermee verbied om voort te gaan met die verhoor of om ’n besluit te neem met betrekking tot die aansoek deur [Lahia Junias].”“In die geval dat die kommissie reeds ’n besluit geneem het om die aansoek toe te staan, word die kommissie verbied om die besluit te implementeer,” lui die hofbevel.Met betrekking tot die hersieningsaansoek, wat nie op ’n dringende basis gebring is nie, is die saak uitgestel tot 3 Oktober vir verdere voorverhoorverrigtinge.Die ander respondente in die aansoek is die ministerie van die omgewing, bosbou en toerisme, die regering en die president.UITDAGING VAN LISENSIEIn hofstukke beweer Joubert dat Erinidi - wat sowat 70 000 hektaar groot is - renosters en oor die 200 olifante huisves, asook talle ander bedreigde en gevaarlike diere. Hy beweer dat mynbedrywighede en eksplorasie in dié gebied die diere sal ontwrig en stres veroorsaak wat tot moontlike sterftes kan lei.“Verder, gegewe die aantal gevaarlike diere (leeus, hiënas, wildehonde, seekoeie, olifante en renosters) in Erindi, is die aansoekers nie in die posisie om enigiemand se persoonlike veiligheid in die area te beskerm nie. Dit sal onhanteerbare mens-en-dierkonflik veroorsaak wat ons baie versigtig is om te vermy,” het Joubert gesê en bygevoeg dat dit moontlik ook stropers na die area sal lok.Joubert het verder daarop gewys dat die verkryging van Erindi deur buitelandse beleggers die enkele grootste belegging in Namibië in 2020 was en dat die transaksie gegrond is op die voorneme dat Erindi ’n natuur- en wildreservaat sal bly.“Eksplorasie en mynaktiwiteite kan die dood van diere en die vernietiging van habitat tot gevolg hê. Dit is vir die applikante ondenkbaar waarom die ministerie van myne en energie sal toelaat dat - wat blyk &#039;n spekulatiewe EPL [eksklusiewe prospekteerlisensie] binne &#039;n private natuur- en wildreservaat [Erindi] is - toegestaan word.”– kristien@nmh-hub.com.na

Erindi se interdik toegestaan

Kommentaar

Republikein 2025-09-18

Meld asseblief aan om kommentaar te lewer

Erindi se interdik toegestaan

Kommentaar

Republikein 2025-09-18

Meld asseblief aan om kommentaar te lewer

MELD AAN

Advertensie