‘Ek wou haar nie doodmaak’

“Sy het ’n klip opgetel en my daarmee begin slaan. Sy wou nie ophou nie. Ek het die klip by haar gevat en haar twee keer agter die kop geslaan.”So het die moordbeskuldigde, Jeremia Erwin Nowaseb, Woensdag in die hoërhof in Windhoek getuig. Nowaseb beweer hy het uit selfverdediging opgetree nadat hy en sy meisie en die ma van sy dogter in ’n bakleiery betrokke geraak het.Nowaseb beweer hy het haar gekonfronteer met gerugte dat sy op hom verneuk het. Sy het na bewering kwaad geraak en Nowaseb gestoot en gekrap voordat sy hom glo met die klip geslaan het.“Dit was nie my bedoeling om haar dood te maak nie. Ek wou net aan haar doen wat sy aan my gedoen het.”Vóór die bakleiery het hulle glo ’n boks wyn onder ’n boom naby die rivier gedrink. Nowaseb het erken hulle was dronk.Die voorval het op 31 Oktober 2020 in die informele nedersetting Nuwerus op Aranos plaasgevind.Nowaseb beweer verder die oorledene het “swak” geraak nadat hy haar geslaan het. Hy het haar na bewering tot onder die boom gedra. Sy het glo vir hom gesê sy is dors en toe hy terugkom met water, was sy glo reeds dood.Hy het haar egter daarna by die polisie as vermis aangemeld en die polisie het later haar liggaam gevind. Nowaseb het eers daarná ’n bekentenis by die polisie afgelê.Hoewel destydse mediaberigte aangedui het dat Nowaseb die oorledene 18 keer met die klip geslaan het, beweer Nowaseb hy het haar net twee keer geslaan.AANRANDING’n Sestienjarige meisie het Dinsdag vir die staat getuig en aangevoer dat sy die dag van die voorval gesien het hoe Nowaseb die oorlede geslaan het. Dit was glo naby dieselfde boom waar die moord later plaasgevind het. Nowaseb ontken egter dié bewering en het Woensdag getuig dat hy nooit die oorledene aangerand het nie.VERRIGTINGEDie staat het Woensdag hul saak afgesluit en Nowaseb se regsverteenwoordiger, Eliaser Shiikwa, het aangedui dat Nowaseb sal getuig en hulle geen verdere getuies sal roep nie.Die staatsaanklaer is Ethel Ndlovu en die voorsittende regter is Dinnah Usiku. – kristien@republikein.com.na

‘Ek wou haar nie doodmaak’

Kommentaar

Republikein 2026-05-05

Meld asseblief aan om kommentaar te lewer

‘Ek wou haar nie doodmaak’

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.