‘Ek was ‘n lafaard,’ sê Madisia

“Ek weet wat ek gedoen het, was verkeerd. Ek wens ek kon dit terugvat. Ek wens ek het vroeër iets gesê. Ek is jammer vir haar ouers en haar familie. Niks wat ek sê, kan verander wat gebeur het nie. Ek weet nie hoe ek hom [haar seuntjie] weer in die oë kan kyk nie, hy is so na aan my hart. Ek was onbedagsaam deur ’n lafhard te wees.”Azaan Madisia het gister in die getuienisbank Shanon Wasserfall se geliefdes om verskoning gevra.Madisia wat van Wasserfall se moord beskuldig word, het tydens haar getuienis gesê sy het nooit bedoel om Wasserfall leed aan te doen of dood te maak nie.“Ek het nooit die bedoeling gehad (om haar dood te maak) nie, daardie dag was eintlik ’n baie lekker dag tot op daardie punt. Soos ek sê, sy het my eerste gestoot en ek het haar teruggestoot. Ek het probeer verhoed dat daardie situasie buite beheer raak,” het Madisia getuig.Madisia het aan die hof gesê sy het vervolging gevrees en daarom besluit het om Wasserfall se liggaam te begrawe en nooit ’n ambulans of die polisie gebel het nie.“Ek was skaam en verleë. Ek was bang niemand sou my glo nie,” het Madisia getuig.DETAIL VERANDERVolgens Madisia se oorspronklike verklaring aan die polisie het sy gesê Wasserfall het haar kop teen ’n tafel in haar woonstel se motorhuis gekap, maar het dit later gewysigHoofinspekteur Jacobus Viljoen het vroeër in die verhoor getuig Madisia het die bogenoemde weergawe vertel en hom daarna gevra om die vertrek te verlaat.“Ek wou met my regsverteenwoordiger praat. Ek het besluit ek wou heeltemal eerlik wees,” het Madisia oor dié voorval getuig.Madisia het toe aan Viljoen gesê Wasserfall het in die slaapkamer oor die bed geval. Dit word ook so in Madisia se finale getikte en ondertekende weergawe van haar verklaring gestel.Madisia se regsverteenwoordiger, Abert Titus het, haar gevra hoekom sy oorspronklik ’n ander weergawe vertel het.“Ek weet nie hoekom ek daardie onwaarhede vertel het nie. Ek het gedink dit klink meer geloofwaardig.”Sy het verduidelik dat Wasserfall glo haar pinkie aan haar linkerhand gebyt het. Die bloed van Madisia se pinkie het op die muur beland toe sy tydens hul argument agter Wasserfall aan oor die bed getuimel het. In Madisia se verklaring het sy oorspronklik gesê Wasserfall het haar linkerringvinger gebyt, maar sy het gister verduidelik dit was nie die geval nie en dat Wasserfall haar pinkievinger gebyt het.Madisia het ontken dat sy ooit bedoel het om Wasserfall aan te rand. Sy het ook ontken dat sy Wasserfall beroof het.“Ek het niks van haar gevat nie. Al hierdie besittings is dinge wat sy in my woonstel ingebring het,” het Madisia getuig.Madisia het die verskil tussen haar beweerde oorspronklike woorde aan Viljoen en die finale weergawe van haar verklaring toegeskryf aan ’n vertalingsfout.KRUISONDERVRAGINGDie staatsaanklaer, Henry Muhongo, het dit tydens kruisondervraging aan Madisia gestel dit kom ongewoon voor dat sy haar beweerde aanvaller tot in die slaapkamer gevolg het, eerder as om die area te verlaat om hulp te soek.“Ons argument was in daardie stadium nie van so ’n aard nie. Dit was ’n reaksie, dinge het so vinnig gebeur,” het sy verduidelik.Muhongo sal na verwagting vandag met kruisondervraging voortgaan.

‘Ek was ‘n lafaard,’ sê Madisia

Kommentaar

Republikein 2025-11-03

Meld asseblief aan om kommentaar te lewer

‘Ek was ‘n lafaard,’ sê Madisia

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.