‘Ek het my amptenare vertrou’

“Die Adviesraad vir Mariene Hulpbronne het resolusies en wysigings aanbeveel. . . Ek, as die minister, het dit goedgekeur want ek het my amptenare vertrou.”Só het die voormalige minister van visserye en mariene hulpbronne, Bernard Esau, gister tydens sy borgtogaansoek getuig met betrekking tot wysigings aan die Wet op Mariene Hulpbronne wat die Fishrot-beskuldigdes glo in staat gestel het om die beweerde korrupsie te pleeg.Dit volg nadat Esau vroeër weens gesondheidsredes sy getuienis moes staak. Die staat se prokureur, Ed Marondedze, het aan die hof gesê die dokumentasie wat Esau en sy regverteenwoordiger, Florian Beukes, wou indien as bewysstuk van die adviesraad se aanbevelings, glad nie na die relevante wysigings aan die betrokke wetgewing verwys nie.Regter David Munsu het gesê hy neem kennis van die staat se besware, maar dat hy steeds die bewysstuk sal toelaat. Esau het ook getuig dat die bestuur van die ministerie van visserye en mariene hulpbronne Fishcor as ’n begunstigde van viskwotas vir regeringsdoelwitte aanbeveel het.“Die staat is geregtig om mariene hulpbronne te benut of te oes vir die bevordering van maatskaplike, ekonomiese, kulturele of regeringsdoelwitte,” het Esau verduidelik. Esau het getuig veterane en armes is geïdentifiseer om voordeel uit die toegekende kwotas te trek. Hy het ook getuig dat alle aansoeke om viskwotas aan die destydse permanente sekretaris van die ministerie van visserye gerig is. GESONDHEID Esau het gister gesê hy kon nie sy vorige hofdatums bywoon nie weens kommer oor sy gesondheid. “Ek kon dood gewees het,” het Esau gesê. Hy het verduidelik dat hy “17 tot 18 pille per dag drink, net om hier te wees”.Esau het aangevoer hy sal beter na sy gesondheid kan omsien as hy op borgtog vrygelaat word. “Die Windhoek Sentrale Gevangenis is nie ’n bevorderlike omgewing nie. As ek uit is, kan ek na my gesondheid omsien soos voor my inhegtenisname, in terme van diëte ensovoorts,” het hy gesê. NIGEL VAN WYKVoor Esau die getuiebank ingeneem het, het sy medebeskuldigde, Nigel van Wyk, tydens sy kruisondervraging gesê hy het nie gedink die geld wat sy medebeskuldigdes in sy persoonlike rekening inbetaal het, verdag was nie. Gedurende Oktober en November 2019 het Van Wyk verskeie betalings van sy medebeskuldigdes ontvang. Teen dié tyd het aantygings oor die nou gerugte Fishrot-skandaal aan die lig gekom. “Ek het ’n verhouding met my werkgewers gehad, ek het hulle vertrou,’ het hy gesê.Van Wyk en Esau se borgtogaansoek wat beide op nuwe feite gebaseer is, word saam aangehoor.

‘Ek het my amptenare vertrou’

Kommentaar

Republikein 2026-02-03

Meld asseblief aan om kommentaar te lewer

‘Ek het my amptenare vertrou’

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.