'Ek het Gustavo nooit geken nie'

"Ek het nooit vir Ricardo Gustavo geken nie. Ek het die naam gehoor, maar ek het nie geweet hy was by visserye betrokke nie. Ek was nie daarvan bewus dat hy visverwerkingsaanlegte, -bote of -regte in Namibië of Angola gehad het nie."So het die voormalige minister van visserye en mariene hulpbronne, Bernard Esau, gister in die hoërhof getuig tydens sy aansoek om borgtog toe hy gevra is oor &#039;n memorandum van verstandhouding wat glo die toekenning van viskwotas aan die maatskappy Namgomar moontlik gemaak het. Gustavo, een van Esau se medebeskuldigdes, was betrokke by dié maatskappy. Die visvangregte is glo ingevolge die Angolese ooreenkoms toegeken aan Namgomar Pesca Limitada, &#039;n Angolese maatskappy wat die meerderheidsaandeel in Namgomar Pesca Namibia het. Namgomar se magte het glo &#039;n sleutelrol gespeel in die skema wat die Yslandse maatskappy Samherji bemagtig het om Namibië se mariene hulpbronne uit te buit. Toe die staatsaanklaer, Cliff Lutibezi, aan Esau gestel het dat hierdie verstandhoudingsooreenkoms eensydig was en geen voordeel vir Namibiërs sou inhou nie, het die oudminister geantwoord dat daar wel voordele vir Namibië was. Esau het verduidelik een van die vereistes was dat die maatskappy wat die vrugte van hierdie ooreenkoms sou pluk, &#039;n sekere aantal Namibiese burgers in diens moes neem. "Die maatskappye moes ook heffings en kwotafooie betaal, wat bygedra het tot die Namibiese fiskus," het Esau getuig. Esau se getuienis het glo die indruk versterk dat hy nie die verstandhoudingsdokument gelees het voordat hy dit onderteken het nie. Lutibezi het Esau gevra om duidelikheid te verskaf oor die indruk dat hy nooit &#039;n dokument wat die land aan so &#039;n ooreenkoms sou bind, deurgelees het nie. Die oudminister het hierop geantwoord dat sy permanente sekretaris hom aangeraai het om dit te doen. republikein@republikein.com.na

'Ek het Gustavo nooit geken nie'

Kommentaar

Republikein 2026-02-03

Meld asseblief aan om kommentaar te lewer

'Ek het Gustavo nooit geken nie'

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.