Dobbelhuise moet heffings betaal, sê hof

Die hoërhof in Windhoek het ’n aansoek wat deur die Dobbelhuisvereniging van Namibië (Ghan) en sy lede gebring is, van die hand gewys. Talle lede is agterstallig of hul werksaamhede is teenstrydig met die wet wat die bepalings van die onlangs uitgevaardigde dobbelary en vermaakbeheerwet (Geca) handhaaf.Die hof het die aansoek met koste van die hand gewys en die applikante – Ghan en Irmgard Forty cc – beveel om statutêre heffings te betaal wat deur hulle verskuldig is ingevolge die dobbelary en vermaakbeheerwet en die regulasies wat vanaf 1 Desember 2021 van krag is.Die uitspraak het ook die verpligtinge van gelisensieerde dobbeloperateurs uitgeklaar te midde van ’n verskuiwing in die regulatoriese landskap van die dobbelbedryf.Die hof se beslissing spruit uit ’n dispuut wat ontstaan het uit ’n skikkingsooreenkoms wat in Junie 2020 tussen die applikante en die ministerie van die omgewing, bosbou en toerisme bereik is.Kragtens die ooreenkoms is die applikante vrygestel van die betaling van sekere heffings totdat alle onwettige dobbelhuise óf gewettig óf gesluit is.Met die afkondiging van Geca in 2018, wat in Desember 2021 in werking getree het, is die 1994-dobbelwet herroep, wat die hof genoop het om te beslis dat die vroeëre ooreenkoms “weggeval het deur die werking van die wet”.Die dobbelhuisvereniging, wat verskeie gelisensieerde dobbeloperateurs verteenwoordig, het aangevoer dat artikels 40A, 57 en 88 van Geca ongrondwetlik is, en beweer dit maak inbreuk op regte wat in die Namibiese Grondwet uiteengesit is, veral eiendomsreg en die oppergesag van die reg.Hulle het verder aangevoer die minister se versuim om teen onwettige dobbelhuise op te tree, het hulle genoodsaak om regstappe te volg, wat gelei het tot die oorspronklike hofbevel wat hulle nou wou afdwing. Die hof het egter beslis dat met die inwerkingtreding van Geca, die oorspronklike bevel onduidelik geword het. Daar word nou van alle gelisensieerde operateurs vereis om aan die nuwe statutêre heffingsregime onder die bygewerkte wet te voldoen.Die hof het bevind die applikante het versuim om te bewys hoe die betwiste dele van Geca ongrondwetlik was en het bevestig dat alle gelisensieerde operateurs verplig is om die statutêre heffings te betaal wat ingevolge Geca vereis word.BUIGSAME WETGEWINGDie verweerders het aangevoer dat die ontwikkelende aard van die bedryf, veral as gevolg van digitale vooruitgang, ’n regulatoriese raamwerk vereis wat die minister toelaat om nuwe lisensiekategorieë aan te pas en in te stel sonder om wetgewing herhaaldelik deur die parlement te wysig.Sulke buigsaamheid, het hulle aangevoer, is noodsaaklik om die verspreiding van onwettige dobbelbedrywighede te bekamp, wat die geloofwaardigheid van wettige bedrywighede ondermyn.Terwyl die verweerders erken het sommige operateurs het aansienlike beleggings onder vorige wette gemaak, het hulle aangevoer die verwagting dat lisensie vir ewig geldig sal wees, ongegrond is.Die regulatoriese opdaterings, het hulle volgehou, is daarop gemik om die integriteit van die dobbelsektor te verseker asook dat openbare belang op die lang termyn bo private gewin geprioritiseer word.– nikanor@nmh-hub.com.na

Dobbelhuise moet heffings betaal, sê hof

Kommentaar

Republikein 2025-04-30

Meld asseblief aan om kommentaar te lewer

Dobbelhuise moet heffings betaal, sê hof

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie