Dias kry sy huis terug
Strafregtelike klagte duur voort
Die hof het beslis dat die volmag wat August Maletzky gebruik het om Samuel Dias se huis te verkoop, ongeldig is.
Die hoërhof in Windhoek het onlangs beslis dat die huis wat die lekeregsman, August Maletzky, sonder die 84-jarige Angolese eienaar, Samuel Dias, se medewete verkoop het, weer in Dias se naam geregistreer moet word.
Maletzky het die huis in Windhoek-Wes vanaf Julie 2017 by Dias vir N$10 000 per maand gehuur, maar toe Dias in Februarie 2018 Windhoek besoek het, het hy uitgevind sy huis is reeds in September 2017 vir ongeveer N$2,5 miljoen verkoop.
Dias het tydens die verhoor getuig hy het nooit ’n volmag geteken wat Maletzky gemagtig het om die huis namens hom te verkoop nie. Hy het ook nie ’n deel van die N$2,5 miljoen ontvang nie.
Die staat het beweer Maletzky het onregmatig ’n vervalste volmag van Dias gebruik wat hom toestemming gegee het om die eiendom te verkoop.
Die volmag is gebruik om die huis in Desember 2017 in die naam van die nuwe eienaar te registreer nadat Maletzky glo die koopakte as die verkoper geteken het.
UITSPRAAK
Regter Boas Usiku het beslis dat die volmag wat Maletzky gebruik het om die huis te verkoop, ongeldig is.
Ingevolge die hofbevel is die verkoopsooreenkoms van September 2017 en die oorplasing en registrasie van die eiendom in die nuwe eienaar se naam, nietig verklaar.
Die hofbevel stipuleer verder dat die registrateur van aktes die huis weer in Dias se naam moet registreer.
Maletzky is ook beveel om Dias se regskoste te betaal.
STRAFREGTELIKE KLAGTE
Dias het ook strafregtelike klagte teen Maletzky aanhangig gemaak wat steeds hangend in die hoërhof in Windhoek voor regter Herman January is.
Maletzky tereg staan op klagte van bedrog, korrupsie, geldwassery, vervalsing en sameswering om bedrog en korrupsie te pleeg.
Hy deel ook die beskuldigdebank met sy voormalige werknemer, Simon Afrikaner.
Die verhoor het in Februarie verlede jaar begin waartydens Maletzky en Afrikaner onskuldig gepleit het.
– [email protected]
Maletzky het die huis in Windhoek-Wes vanaf Julie 2017 by Dias vir N$10 000 per maand gehuur, maar toe Dias in Februarie 2018 Windhoek besoek het, het hy uitgevind sy huis is reeds in September 2017 vir ongeveer N$2,5 miljoen verkoop.
Dias het tydens die verhoor getuig hy het nooit ’n volmag geteken wat Maletzky gemagtig het om die huis namens hom te verkoop nie. Hy het ook nie ’n deel van die N$2,5 miljoen ontvang nie.
Die staat het beweer Maletzky het onregmatig ’n vervalste volmag van Dias gebruik wat hom toestemming gegee het om die eiendom te verkoop.
Die volmag is gebruik om die huis in Desember 2017 in die naam van die nuwe eienaar te registreer nadat Maletzky glo die koopakte as die verkoper geteken het.
UITSPRAAK
Regter Boas Usiku het beslis dat die volmag wat Maletzky gebruik het om die huis te verkoop, ongeldig is.
Ingevolge die hofbevel is die verkoopsooreenkoms van September 2017 en die oorplasing en registrasie van die eiendom in die nuwe eienaar se naam, nietig verklaar.
Die hofbevel stipuleer verder dat die registrateur van aktes die huis weer in Dias se naam moet registreer.
Maletzky is ook beveel om Dias se regskoste te betaal.
STRAFREGTELIKE KLAGTE
Dias het ook strafregtelike klagte teen Maletzky aanhangig gemaak wat steeds hangend in die hoërhof in Windhoek voor regter Herman January is.
Maletzky tereg staan op klagte van bedrog, korrupsie, geldwassery, vervalsing en sameswering om bedrog en korrupsie te pleeg.
Hy deel ook die beskuldigdebank met sy voormalige werknemer, Simon Afrikaner.
Die verhoor het in Februarie verlede jaar begin waartydens Maletzky en Afrikaner onskuldig gepleit het.
– [email protected]
Kommentaar
Republikein
Geen kommentaar is op hierdie artikel gelaat nie