Dagblad beboet vir laster

Die New Era Publication is met N$50 000 beboet nadat die hof bevind het dat dié dagblad lasterlike stellings oor ’n polisiekommissaris gepubliseer het.Die hoërhof in Windhoek het Vrydag Andreas Nelumbu se hofeis teen New Era toegestaan en verder beveel dat die publikasie die uitlatings moet terugtrek en in die openbaar om verskoning moet vra.“Inligting van bronne wat verkies om anoniem te bly, moet nie ligtelik deur die joernaliste opgeneem word sonder om tyd te neem om die akkuraatheid van die inligting te verifieer nie,” is in die hof se uitspraak uitgewys.Hoewel Nelumbu N$300 000 geëis het, het die hof beveel dat New Era slegs N$50 000 aan hom moet betaal.LASTERDie artikel wat die fokus van die hofgeskil gevorm het, het op 27 September 2022 op New Era se voorblad verskyn onder die opskrif “Top cops plot thickens”.In die artikel word daar aangevoer dat Nelumbu, wat as die hoof van die logistieke afdeling gedien het, ’n kragopwekker gesteel en ’n polisievoertuig op sy private plaas in die noorde van Namibië gebruik het. Die artikel het verder aangevoer dat sowat 90 vuurwapens en ammunisie by die polisie in Windhoek gesteel is, onder Nelumbu se toesig.Nelumbu het tydens die verhoor aangevoer dat die uitlatings sy goeie naam en reputasie skade berokken het en hom as ’n dief uitgemaak het.VRYHEID VAN UITDRUKKINGDie besturende redakteur van New Era, Johnathan Beukes, het tydens die verhoor die getuiebank ingeneem en getuig dat die artikel nie lasterlik was nie, maar eerder ’n saak van openbare belangHy het verder getuig die inligting is deur ’n geloofwaardige bron verskaf en dat dit gepubliseer is op grond van hul reg op vryheid van uitdrukking ingevolge die Grondwet.Beukes het verder aangevoer dat die artikel nie gepubliseer is met die doel om Nelumbu se reputasie of menswaardigheid te skend nie. Volgens hom is die inligting nie opgemaak nie, maar gegrond op die strafsaak wat teen Nelumbu gebring is.Regter Orben Sibeya het bevind die artikel bevat wel lasterlike stellings en die publikasie word dus nie onder die reg op vryheid van uitdrukking beskerm nie.“Die reg op vryheid van uitdrukking is volgens die wet onderhewig aan redelike beperkings wat nodig is in die belang van die soewereiniteit en integriteit van ons land, nasionale veiligheid, openbare orde, ordentlikheid en moraliteit,” lui Sibeya se uitspraak.UITSPRAAKSibeya het bevind dat van die stellings wat in die artikel vervat is, gemaak is sonder enige basis en daarom lasterlik was vir Nelumbu se naam en menswaardigheid.“Ek twyfel nie daaraan dat die artikel hom en sy gesin benadeel het en dat hy anders in die samelewing beskou word nie.”Sibeya het verder in sy uitspraak daarop gewys dat joernaliste nie roekeloos kan optree en inligting deur bronne versprei sonder om dit na te gaan nie.“Daar is geen rede waarom ’n joernalis inligting kan versprei wat ’n ander persoon belaster en nie vir laster aanspreeklik gehou kan word nie,” lui Sibeya se uitspraak.– kristien@nmh-hub.com.na

Dagblad beboet vir laster

Kommentaar

Republikein 2026-02-03

Meld asseblief aan om kommentaar te lewer

Dagblad beboet vir laster

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.