D-dag vir Amerikaners

Meer as twaalf jaar ná die inhegtenisname van twee Amerikaners, Marcus Thomas en Kevan Townsend, hoor hulle vandag hulle lot.Beide staan tereg op die moord van die 25-jarige André Heckmair, wat in Januarie 2011 met ’n noodlottige koeëlwond in sy kop in die bestuurdersitplek van sy suster se voertuig gevind is.Volgens sy ma, Brigit, was hy kort voor die voorval op pad na ’n middagete-afspraak by die Stellenbosch Wine Bar in Klein Windhoek, waar hy ook ’n bespreking vir 13:00 gehad het. Die afspraak was volgens haar getuienis “met twee Amerikaners”.Tydens die verhoor het Thomas erken hy het ’n afspraak met Heckmair gehad en hy het omstreeks 13:00 in die parkeerterrein gewag, maar Heckmair het volgens hom nie opgedaag nie. Townsend beweer hy was nie saam met Thomas nie en het by hulle gastehuis agtergebly.Regter Christie Liebenberg het op 21 Julie die staat en verdediging se slotbetoë aangehoor en die uitspraak vir vandag geskeduleer.SLOTBETOËDie staatsaanklaer Antonia Verhoef het tydens haar slotbetoë aangevoer Townsend en Thomas het vir Heckmair na Gusindastraat in die hoofstad gelok en dat hulle verantwoordelik vir sy sluipmoord is. Sy het verder beweer hulle het na Namibië gereis met die doel om hom te vermoor.“Die staat wil hê hierdie hof moet hulle skuldig bevind op grond van omstandigheidsgetuienis. Daar is nie genoeg omstandigheidsgetuienis nie, asook geen direkte bewyse ten opsigte van die moordklag nie. Die hof kan hulle nie skuldig bevind op grond van ’n vermoede nie,” het Thomas se regsverteenwoordiger, Salomon Kanyemba, aangevoer.Mbanga Siyomuinji, Townsend se regsverteenwoordiger, het beweer die staat het misluk om genoeg bewyse te lewer vir die hof om beskuldigde nommer twee [Townsend] aan die moord te koppel. “Hy moet kwytgeskeld word van al die klagte teen hom.”INHEGTENISNAMEThomas en Townsend is ure ná die moord in hegtenis geneem nadat selfoonrekords getoon het dat hulle die laaste mense was wat in kontak met Heckmair was. Beide is sedertdien in aanhouding.Hulle het ná die staat sy saak vanjaar afgesluit het, gekies om nie die getuienisbank in te neem om in hul eie verdediging te getuig nie. Hulle het ook geen getuies geroep nie. – kristien@republikein.com.na

D-dag vir Amerikaners

Kommentaar

Republikein 2025-11-03

Meld asseblief aan om kommentaar te lewer

D-dag vir Amerikaners

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.