Cran, MTC se regstryd duur voort

“Die partye kon nie &#039;n datum vir bemiddeling vasstel nie weens die verweerder (MTC) se regsverteenwoordigers wat versuim het om betyds of enigsins te reageer op die versoek om datums te vas te stel.”Dít het die Regulerende Owerheid vir Kommunikasie in Namibië (Cran) in ’n verslag gesê wat Dinsdag by die hoërhof in Windhoek ingedien is.Cran het in Maart 2019 ’n saak teen Mobile Telecommunications Limited (MTC) aanhangig gemaak vir ’n bedrag van sowat N$97 miljoen vir onbetaalde heffings vir die tydperk vanaf 26 September 2016 tot 11 Junie 2018.Die Kommunikasiewet 8 van 2009 het Cran toegelaat om self te bepaal watter persentasie heffings van lisensiehouers verhaal kan word. Cran het destyds 1,5% van jaarlikse omset geëis en dit is hoe die bedrag van N$97 269 143, wat nou van MTC geëis word, bereken is.Die hooggeregshof het egter dié wet in ’n uitspraak ongrondwetlik verklaar en die hof het beveel dat minimum en maksimum beperkings aan die persentasies toegeken moet word.MTC het beweer die hooggeregshof se uitspraak om die Kommunikasiewet 8 van 2009 ongrondwetlik te verklaar, het reeds vanaf 26 September 2016 in werking getree en om daardie rede kan Cran nie die heffings eis nie.Cran het aangevoer die nietigverklaring van die heffings het eers vanaf 11 Junie 2018 in werking getree.TUSSENTYDSE BEVELRegter Dinnah Usiku het in ’n tussentydse bevel, wat op 26 Februarie gelewer is, aangaande hierdie kwessie in MTC se guns beslis en vir Cran 15 dae gegee om hul eise te wysig.Cran het aangevoer hulle kan nie hul eise wysig nie en het die besluit geneem om teen Usiku se uitspraak te appelleer.“Dit is eenvoudig onmoontlik om die besonderhede van ’n eis te wysig sonder om aanstoot te gee. Die uitspraak wat eintlik ’n tussentydse bevel is, is ten einde finaal.“Ek voer aan dat Usiku se beslissing verkeerd is en die eiser meer as redelike vooruitsigte het op sukses in die hooggeregshof,” lui Cran se aansoek om appèl wat in November verlede jaar goedgekeur is.MTC beweer steeds in hul gewysigde pleitstukke dat die heffings “onwettig” en “onafdwingbaar” is.CRAN SE SAAK TEEN TELECOMCran het destyds ’n identiese saak teen Telecom Namibia Limited aanhangig gemaak vir ’n bedrag van N$123,4 miljoen.Hiertydens het die regter die teenoorgestelde as Usiku beslis en bevind dat die nietigverklaring van die Kommunikasieswet 8 van 2009 eers vanaf 11 Junie 2018 in werking getree het.Telecom en Cran se saak het in ’n skikkingsooreenkoms geëindig waar Telecom N$87 miljoen betaal het – 70,5% van die oorspronklike bedrag wat geëis is.MTC het in hul mees onlangse pleitstukke aangevoer dat indien hul saak teen Cran nie suksesvol is nie, hul dieselfde behandeling versoek.“Dit is billik en gelyke behandeling dat, in die geval dat die verweerder (MTC) aanspreeklik is teenoor die eiser (Cran) vir die heffings, die verweerder &#039;n bedrag betaal gelykstaande aan 70,5% van die bedrag wat aan die eiser verskuldig is.”Volgens hofstukke is Cran gretig om met skikkingsonderhandelinge te begin, maar as gevolg van MTC se versuim om bemiddelingsdatums vas te stel, versoek hulle instruksies van die hof hoe om die saak verder te hanteer. – kristien@republikein.com.na

Cran, MTC se regstryd duur voort

Kommentaar

Republikein 2025-06-17

Meld asseblief aan om kommentaar te lewer

Cran, MTC se regstryd duur voort

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie