Coenie en sy vrou wéér in aanhouding
Verskyn môre in hof
'n Egpaar wat betrek word by 'n beweerde onwettige beleggingskema waarin deposante glo meer as N$160 miljoen betaal het, is weer in hegtenis geneem.
Hoewel die kripto-belegger Coenraad (Coenie) Botha (69) en sy Zimbabwiese vrou, Charlotte Murove (32), Vrydag vrygelaat is, is hulle weer in hegtenis geneem en sal hulle na verwagting môre weer eens in die hof verskyn.
Botha en Murove se saak is Vrydag van die rol geskrap nadat landdros David Mukuyu bevind het dat hulle sonder ’n lasbrief in hegtenis geneem is en daarom onwettig in aanhouding was. Hy het beveel dat hulle onmiddellik vrygelaat word.
Mukuyu het bevind dat die polisie die egpaar aanvanklik nie gearresteer het op ’n klag van bedrog, waarvoor geen inhegtenisnemingsbevel vereis word nie. Hulle is egter gearresteer vir die beweerde oortredings van die wet op bankinstellings en die wet op die voorkoming van georganiseerde misdaad (Poca), waarvoor lasbriewe vir arrestasie wel benodig word.
Nadat die polisie egter hulle papierwerk in orde gekry het, is die egpaar weer in hegtenis geneem en het hulle vlugtig in die hof verskyn.
Hulle sal na verwagting weer môre in die Windhoek-landdroshof verskyn vir ’n formele aansoek om borgtog.
AANKLAGTE
Die egpaar van CBI Exchange is in die sop ná die beweerde oortreding van die wet op bankinstellings.
Hulle het na bewering bedrog van sowat N$160 miljoen gepleeg.
Die Bank of Namibia (BoN) beskuldig Botha daarvan dat hy deposito’s van mense via sy maatskappy, CBI Exchange Namibia, aanvaar het sonder die nodige lisensie.
Toe hulle verlede week in die landdroshof verskyn het, het hulle tereggestaan op 64 aanklagte, insluitend bedrog, geldwassery en die bedryf van ’n bankbesigheid sonder die nodige magtiging.
In die bedrogklag het die staat beweer dat hulle gedurende die tydperk vanaf 2018 tot 2022 aan beleggers wanvoorgestel het dat hulle ’n wettige onderneming bedryf wat gemagtig is om beleggings van lede van die publiek te ontvang en dat sulke beleggings met rente sal groei. Dit terwyl hulle glo geweet het dat hulle nie gemagtig is om enige deposito’s of beleggings van lede van die publiek te ontvang nie.
Daar is ook in die bedrogklag beweer dat beleggers N$163 miljoen aan hulle oorbetaal het.
ARRESTASIE
Botha en Murove is verlede week Woensdag by Buitepos-grenspos in hegtenis geneem en die staat het tydens Woensdag se hofverrigtinge aangevoer dat Botha voor sy arrestasie probeer vlug het, maar hy beweer hy was na Suid-Afrika onderweg om by vriende te gaan kuier.
Die egpaar se prokureur, Afrika Jantjies, is ook Woensdag tydens hul hofverskyning vir beweerde aandadigheid in hegtenis geneem.
– [email protected]
Botha en Murove se saak is Vrydag van die rol geskrap nadat landdros David Mukuyu bevind het dat hulle sonder ’n lasbrief in hegtenis geneem is en daarom onwettig in aanhouding was. Hy het beveel dat hulle onmiddellik vrygelaat word.
Mukuyu het bevind dat die polisie die egpaar aanvanklik nie gearresteer het op ’n klag van bedrog, waarvoor geen inhegtenisnemingsbevel vereis word nie. Hulle is egter gearresteer vir die beweerde oortredings van die wet op bankinstellings en die wet op die voorkoming van georganiseerde misdaad (Poca), waarvoor lasbriewe vir arrestasie wel benodig word.
Nadat die polisie egter hulle papierwerk in orde gekry het, is die egpaar weer in hegtenis geneem en het hulle vlugtig in die hof verskyn.
Hulle sal na verwagting weer môre in die Windhoek-landdroshof verskyn vir ’n formele aansoek om borgtog.
AANKLAGTE
Die egpaar van CBI Exchange is in die sop ná die beweerde oortreding van die wet op bankinstellings.
Hulle het na bewering bedrog van sowat N$160 miljoen gepleeg.
Die Bank of Namibia (BoN) beskuldig Botha daarvan dat hy deposito’s van mense via sy maatskappy, CBI Exchange Namibia, aanvaar het sonder die nodige lisensie.
Toe hulle verlede week in die landdroshof verskyn het, het hulle tereggestaan op 64 aanklagte, insluitend bedrog, geldwassery en die bedryf van ’n bankbesigheid sonder die nodige magtiging.
In die bedrogklag het die staat beweer dat hulle gedurende die tydperk vanaf 2018 tot 2022 aan beleggers wanvoorgestel het dat hulle ’n wettige onderneming bedryf wat gemagtig is om beleggings van lede van die publiek te ontvang en dat sulke beleggings met rente sal groei. Dit terwyl hulle glo geweet het dat hulle nie gemagtig is om enige deposito’s of beleggings van lede van die publiek te ontvang nie.
Daar is ook in die bedrogklag beweer dat beleggers N$163 miljoen aan hulle oorbetaal het.
ARRESTASIE
Botha en Murove is verlede week Woensdag by Buitepos-grenspos in hegtenis geneem en die staat het tydens Woensdag se hofverrigtinge aangevoer dat Botha voor sy arrestasie probeer vlug het, maar hy beweer hy was na Suid-Afrika onderweg om by vriende te gaan kuier.
Die egpaar se prokureur, Afrika Jantjies, is ook Woensdag tydens hul hofverskyning vir beweerde aandadigheid in hegtenis geneem.
– [email protected]
Kommentaar
Republikein
Geen kommentaar is op hierdie artikel gelaat nie