Christian faal in uitdaging teen advokate

In die saak teen ’n regter van die hoërhof, Esi Schimming-Chase, het die hof verlede week die applikant se bewerings verwerp dat Schimming-Chase se regsverteenwoordigers nie die mag het om haar te verteenwoordig nie.Hendrik Christian het aangevoer dat adv. Reinhard Tötemeyer (SC) en Gerson Narib, nie die nodige toestemming of gehoorreg (Right of Audience) het om Schimming-Chase te verteenwoordig nie. Regter David Munsu het op 27 Januarie uitspraak gelewer en gesê dat Christian se bewerings ongegrond is. Hy het gevolglik die uitdaging van die hand gewys.Christian het aangevoer dat die staatsprokureur (Government Attorney) nie die nodige magtiging het om die respondent te verteenwoordig nie. Hy steun hierdie bewering op inligting vanuit ’n boek getiteld &#039;Handboek vir die kantoor van die staatsprokureur&#039;.“Volgens die boek kan die Staatsprokureur slegs met skriftelik toestemming van die hoof van die regbank die repsondent verteenwoordig.”Munsu het bevind dat Christian nie die bindende effek van die bogenoemde handboek vasgestel het nie.“Die applikant het ook nie gesê dat hy bewus is van die interne vereistes van die Staatsprokureur en dat hierdie vereistes nie nagekom is nie om die redes wat hy sou verskaf. Dit sou &#039;n beroep op die Repsondente se regspraktisyns gedoen het om sy gesag te bewys.”Christian het verder aangevoer dat die advokate nie gehoorreg het nie en daarom nie voor die hof mag verskyn nie. Munsu het dié bewerings verwerp.“Vir &#039;n persoon om voor die hof te verskyn, moet hulle as regspraktisyn toegelaat word. Die respondent se advokate het aangevoer dat hulle behoorlik toegelaat is. Ek het nie gehoor dat die applikant beweer dat hulle nie as regspraktisyns toegelaat is nie. In die afwesigheid daarvan is daar geen werklike uitdaging van die kwessie nie,” het hy in sy uitspraak gesê.Volgens Munsu het Christian versuim om sy bewerings met bewyse te staaf en daarom het by die uitdaging van die hand gewys.AGTERGRONDChristian het in Januarie verlede jaar die saak by die hoërhof in Windhoek teen Schimming-Chase aanhangig gemaak. Schimming-Chase was die regter in een van Christian se sake vanaf 20 April tot 21 September 2021, waarna sy haarself van die saak onttrek het aangesien sy die derde respondent in dié saak, Namibia Financial Institutions Supervisory Authority (Namfisa), in 2006 tydens ’n saak in die hooggeregshof verteenwoordig het.Die saak is op 20 April 2020 aan Schimming-Chase toegeken. Op 22 April het sy die saak se statusverhoor hanteer en op 5 Mei die saakbestuur. Sy het daarna die saak tot 22 Junie uitgestel vir verhoor, maar die saak is tot 7 Julie uitgestel omdat sy in kwarantyn was. Daarna het sy glo weer die saak tot 22 Julie uitgestel, toe weer tot 8 September en daarna weer tot 22 September. Schimming-Chase het op 21 September haarself van die saak onttrek.“Die respondent het vir vyf maande die saak gesloer en dit agt keer uitgestel sonder om die hof van haar noue verhouding met die derde respondent in daardie saak in te lig,” lui Christian se verklaring.Volgens Christian het sy as &#039;n oortreder van die wet opgetree en versuim om die pligte van ’n regterlike beampte met onpartydigheid en bekwaamheid uit te voer.Christian eis dat Schimming-Chase die regskoste vir die vertragings van die saak moet betaal.Schimming-Chase beweer verder sy het geen bevindinge op die meriete van die saak gemaak voordat sy haarself onttrek het nie.“Die respondent het onttrek voordat sy die saak op die meriete aangehoor het. Die beslissings wat die respondent gemaak het, was slegs vir saakbestuur.”KONDONASIESchimming-Chase se kennisgewing van voorneme om Christian se aansoek te verdedig, is nie betyds by die hof ingedien nie en sy moes ’n aansoek om kondonasie indien. Christian het die aansoek teengestaan en dié kwessie sal volgende aangehoor word.–kristien@republikein.com.na

Christian faal in uitdaging teen advokate

Kommentaar

Republikein 2025-11-05

Meld asseblief aan om kommentaar te lewer

Christian faal in uitdaging teen advokate

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.