Boulter verskyn eers weer in 2023 in hof

Die Britse miljardêr, mnr. Harvey Boulter, wat teregstaan op die moord van sy plaasbestuurder, mnr. Gerhard van Wyk, se saak is Donderdag uitgestel.Die staatsaanklaer, adv. Antonia Verhoef, het erken dat die staat se ondersoek nog nie voltooi is nie en hulle steeds op DNS-uitslae van die Nasionale Forensiese Wetenskap-instituut van Namibië (NFSI) wag.Die staat wag glo reeds meer as vyf maande vir die uitslae.Die aanklaer-generaal (AG), adv. Martha Imalwa, het Woensdag in ’n brief gesê dat Boulter op die klagte aangekla sal word soos dit tans in die klagstaat uiteengesit is. Dit sluit die klag van moord in.Dit volg ná ’n brief wat Imalwa in Januarie uitgereik het wat stel dat die forensiese ondersoek nog nie voltooi is nie en die ondersoek eers afgehandel moet word voordat ’n beslissing oor sy vervolging gemaak kan word.Boulter se regsverteenwoordiger het tydens Donderdag se voorverhoorverrigtinge uitgewys dat Imalwa wel nou ’n besluit geneem het sonder dat die ondersoek voltooi is en sy nog nie al die inligting het nie.Regter Christie Liebenberg het die partye gewaarsku dat die saak nie onbepaald op die hofrol kan lê nie en dat dit tot ’n punt moet vorder waar die verhoor kan begin.Liebenberg het die saak tot 16 Februarie uitgestel en Boulter se borgtog op dieselfde voorwaardes verleng.Boulter het na bewering op 27 Februarie 2021 vir Van Wyk op die plaas Kaross by Kamanjab vermoor.Boulter, wat verlede jaar op borgtog van N$500 000 vrygelaat is, het Dinsdagoggend vlugtig in die landdroshof op Kamanjab verskyn.– kristien@republikein.com.na

Boulter verskyn eers weer in 2023 in hof

Kommentaar

Republikein 2025-12-19

Meld asseblief aan om kommentaar te lewer

Boulter verskyn eers weer in 2023 in hof

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.