B2-ongeluk: Bestuurder borgtog geweier

Die man wat in hegtenis geneem is in verband met die ongeluk naby Wilhelmstal waarin vyf mense die afgelope langnaweek hul lewens verloor het, die 37-jarige Ronnie Gaseb, is gister borgtog in die landdroshof op Karibib geweier.Hy staan tereg op vyf aanklagte van strafbare manslag asook aanklagte van dronkbestuur en bestuur sonder ’n geldige rybewys. Gaseb is Vrydag uit die Usakos-staatshospitaal ontslaan saam met ’n vierjarige kind wat ook die ongeluk oorleef het. Ná sy ontslag is hy by die Karibib-polisiekantoor in hegtenis geneem nadat hy ná die ongeluk glo positief vir alkohol getoets het.Die ongeluk het Donderdagmiddag ongeveer 50 kilometer vanaf Karibib op die B2-pad na Okahandja plaasgevind. Volgens die polisie was Gaseb die bestuurder van die Volkswagen Jetta wat trompop gebots het met ’n Nissan Sani wat in die teenoorgestelde rigting gery het. Namibië se “singende sendelingsegpaar”, Eddie en Linda van der Merwe, en ’n passasier Fritz Brandt, het in die Nissan-voertuig gesterf. Gaseb se voertuig, met vyf insittendes waaronder twee minderjariges, het omgeslaan en op sy dak beland. Naftalie Ricky Brukeni (38) van Karibib is op die toneel dood. ’n Ses maande oue baba, ook van Karibib, is per private voertuig na die Karibib-kliniek vervoer, maar is later dood verklaar.Drie ander insittendes van die Jetta, insluitend Gaseb, het ernstige beserings opgedoen en is in die Usakos-staatshospitaal behandel.Gaseb bly in aanhouding en sal na verwagting op 14 Julie weer in die hof verskyn.– republikein@republikein.com.na

B2-ongeluk: Bestuurder borgtog geweier

Kommentaar

Republikein 2026-02-03

Meld asseblief aan om kommentaar te lewer

B2-ongeluk: Bestuurder borgtog geweier

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.