Asdrommoord: Verhoor uitgestel

Die verhoor waarin drie mense beskuldig word van die moord op ’n negejarige meisie wat hulle glo doodgeslaan, in ’n munisipale vullisdrom gegooi en aan die brand gesteek het, is tot Vrydag uitgestel.Dit is ten spyte daarvan dat die verhoor geskeduleer was om gister te begin met die Zimbabwiese egpaar Caroline en Edward Nkata, en die negejarige se biologiese ma, Rachel Kureva, wat sou pleit.Die saak is uitgestel omdat Kureva se prokureur, Janita von Wielligh, aan die saak onttrek het aangesien Kureva glo nie tevrede met haar diens was nie. Von Wielligh het tydens die laaste verskyning verlede jaar aangedui dat hulle gereed was om met die verhoor te begin.Regter Philanda Christiaan het die saak gister in die hoërhof in Windhoek uitgestel. Die verhoor is aanvanklik vir 15 tot 22 Januarie geskeduleer, asook 12 tot 23 Februarie 2024.Die staat beweer dat Edward in Januarie 2020 wyle Akundaishe Natalie Chipomho noodlottig aangerand het en dat Caroline en Kureva gehelp het om haar liggaam in ’n vullisdrom in Windhoek-Noord te gooi en die inhoud aan die brand te steek.AANSOEK VIR SAMEVOEGINGKureva was ’n medebeskuldigde in die saak tydens die eerste paar verskynings in die landdroshof in Windhoek. Die aanklaer-generaal het egter besluit om haar nie te vervolg nie aangesien daar te min bewyse teen haar was.Sy is wel daarna weer in hegtenis geneem nadat Edward se 14-jarige seun ’n verklaring by die polisie afgelê het wat haar by die moord betrek het.Sy is daarna afsonderlik aangekla, maar ’n aansoek om samevoeging is verlede jaar gebring sodat Kureva se saak saam die egpaar s’n aangehoor kan word. – kristien@republikein.com.na

Asdrommoord: Verhoor uitgestel

Kommentaar

Republikein 2025-11-04

Meld asseblief aan om kommentaar te lewer

Asdrommoord: Verhoor uitgestel

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.