Asdrommoord: Verhoor begin eers volgende jaar
Saak begin op 7 Januarie
In die saak waarin 'n negejarige meisie in 2020 na bewering deur haar pa en stiefma vermoor en in 'n vullisdrom aan die brand gesteek is, se verhoor sal eers volgende jaar begin.
Die verhoor waarin ’n Zimbabwiese egpaar tereg staan op die moord van die negejarige Akundaishe Natalie Chipomho, sal eers volgende jaar begin.
Die beskuldigdes se regsverteenwoordigers, mnre. Milton Engelbrecht en Mbanga Siyomuinji, en die staatsaanklaer Antonia Verhoef het gister (Maandag) in die hoërhof in Windhoek voor regter Claudia Claasen verskyn om verhoordatums te skeduleer.
Die datums waarop ooreengekom is, is vanaf 17 tot 27 Januarie 2023 en dan weer vanaf 6 tot 10 Maart.
Die staat beweer Chipomho se biologiese pa, mnr. Edward Nkata, het haar vermoor en haar stiefma, me. Caroline Nkata, het hom gehelp om van haar liggaam ontslae te raak.
Chipomho se oorskot is in ’n asdrom gegooi en na ’n munisipale vullisdrom in Windhoek-Noord geneem waar haar liggaam aan die brand gesteek is.
Die voorval het reeds in Januarie 2020 plaasgevind, waarna die egpaar in hegtenis geneem en borgtog in die Windhoekse landdroshof geweier is.
OP AANRANDING GEDUI
Komm. Nelius Becker wat destyds die saak ondersoek het, het ná die voorval aan Republikein gesê dat die bewysstukke op aanranding gedui het.
Die ondersoek het bevind dat die gesin in ’n tweeslaapkamermeenthuis in die Rhino Park-omgewing gewoon het en agt mense het glo in dié huis gewoon: 'n man, twee vroue en vyf kinders.
Chipomho se biologiese ma was aanvanklik ’n medebeskuldigde, maar die aanklaer-generaal het besluit om haar nie te vervolg nie as gevolg van te min bewyse teen haar.
KLAGSTAAT
Die saak is in Februarie vanjaar na die hoërhof oorgeplaas en die beskuldigdes is by Windhoek Sentrale Gevangenis in aanhouding.
Hulle staan tereg op een klag van moord, regsverydeling, aanranding en bedrog. Die egpaar het ook in Namibië gebly nadat hul besoekerspermitte reeds verstryk het.
Die bedrogsaak is as gevolg van Caroline wat by die skool waar sy skoolgehou het, voorgegee het dat sy Chipomho en een ander minderjarige se biologiese ma is, sodat hulle verniet kon skoolgaan.
– [email protected]
Die beskuldigdes se regsverteenwoordigers, mnre. Milton Engelbrecht en Mbanga Siyomuinji, en die staatsaanklaer Antonia Verhoef het gister (Maandag) in die hoërhof in Windhoek voor regter Claudia Claasen verskyn om verhoordatums te skeduleer.
Die datums waarop ooreengekom is, is vanaf 17 tot 27 Januarie 2023 en dan weer vanaf 6 tot 10 Maart.
Die staat beweer Chipomho se biologiese pa, mnr. Edward Nkata, het haar vermoor en haar stiefma, me. Caroline Nkata, het hom gehelp om van haar liggaam ontslae te raak.
Chipomho se oorskot is in ’n asdrom gegooi en na ’n munisipale vullisdrom in Windhoek-Noord geneem waar haar liggaam aan die brand gesteek is.
Die voorval het reeds in Januarie 2020 plaasgevind, waarna die egpaar in hegtenis geneem en borgtog in die Windhoekse landdroshof geweier is.
OP AANRANDING GEDUI
Komm. Nelius Becker wat destyds die saak ondersoek het, het ná die voorval aan Republikein gesê dat die bewysstukke op aanranding gedui het.
Die ondersoek het bevind dat die gesin in ’n tweeslaapkamermeenthuis in die Rhino Park-omgewing gewoon het en agt mense het glo in dié huis gewoon: 'n man, twee vroue en vyf kinders.
Chipomho se biologiese ma was aanvanklik ’n medebeskuldigde, maar die aanklaer-generaal het besluit om haar nie te vervolg nie as gevolg van te min bewyse teen haar.
KLAGSTAAT
Die saak is in Februarie vanjaar na die hoërhof oorgeplaas en die beskuldigdes is by Windhoek Sentrale Gevangenis in aanhouding.
Hulle staan tereg op een klag van moord, regsverydeling, aanranding en bedrog. Die egpaar het ook in Namibië gebly nadat hul besoekerspermitte reeds verstryk het.
Die bedrogsaak is as gevolg van Caroline wat by die skool waar sy skoolgehou het, voorgegee het dat sy Chipomho en een ander minderjarige se biologiese ma is, sodat hulle verniet kon skoolgaan.
– [email protected]
Kommentaar
Republikein
Geen kommentaar is op hierdie artikel gelaat nie