Aktiviste bly in aanhouding, kry steun van vakbond

Elizabeth Joseph en Katharina MoserDrie politieke aktiviste wat op Onafhanklikheidsdag deur die Namibiese polisie in hegtenis geneem is, het gister te midde van heelwat steun hul eerste hofverskyning gemaak.Michael Amushelelo, kommissaris en aktivis van NEFF (Namibia Economic Freedom Fighters), Regstellende Herposisionering (AR) se medestigter Dimbulukeni Nauyoma en die Popular Democratic Movement (PDM) se parlementslid Inna Hengari se saak is tot 29 Maart vir verdere ondersoek uitgestel.“Ek sal binnekort tuis wees,” het Amushelelo in die hof aan sy vrou gesê. Die drie bly in aanhouding by die Katutura-polisiestasie.Die trio, wat gearresteer is tydens ’n vreedsame optog uit protes teen hoë werkloosheidsyfers – ’n byeenkoms wat nie deur die polisie gemagtig is nie – sal vandag ’n amptelike borgtogaansoek indien.Amushelelo en Dimbulukeni is aangekla van die oortreding van die wet op openbare byeenkomste (wet 23 van 1989), kwaadwillige beskadiging van eiendom, aanhitsing van openbare geweld en die oortreding van ’n hofvel, oftewel minagting van die hof.Volgens Hengari se prokureur, Mesekameneko Tjituri van Tjituri Law Chambers, moet sy kliënt se borgtogaansoek as ’n dringende een ingedien word, aangesien sy nie ’n bedreiging vir die ondersoek inhou nie.“My kliënt is ’n eerste oortreder en daardie gronde vir beswaar pas haar nie. Ons neem kennis dat my kliënt aangekla word op klagte 1 en 2 en ons sal bewyse lewer oor hoekom sy ’n kandidaat vir borgtog is,” het Tjituri tydens die verhoor gesê.Die hof het tevore borgtog aan die beskuldigdes geweier en gesê hulle kan moontlik met die ondersoeke en getuies inmeng. Die volgende borgtogaansoek sal môre aangehoor word.Indien toegestaan, sal die beskuldigdes se borgtogvoorwaardes wees dat hulle nie van ’n soortgelyke oortreding aangekla word terwyl hulle op borgtog is nie.Vroeër dié week het regter Eileen Rakow in die hooggeregshof die aansoek van die hand gewys, met verwysing na ’n gebrek aan dringendheid.Woensdag is berig die polisiehoof, genl.maj. Joseph Shikongo, het verlede week die groep betogers ingelig dat goedkeuring vir ’n nasionale protes teen jeugwerkloosheid onmoontlik is op ’n openbare vakansiedag, vanweë ’n gebrek aan kapasiteit om veiligheid vir almal te verseker.Hordes betogers het ondanks weerstand saamgedrom en is op Onafhanklikheidsdag in Windhoek se strate gesien met plakkate, met verskillende beskrywings van pyn en swaarkry wat deur werkloosheid veroorsaak word.In verskeie video’s wat sedertdien op sosiale media gedeel is, kan gehoor word hoe betogers angstig skree en huil terwyl hulle geslaan word deur polisiebeamptes wat orde probeer bewerkstellig het.TUCNAVolgens die vakbondfederasie Tucna (Trade Union Congress Namibia) is die land besig om in ’n moderne polisiestaat te ontwikkel, wat weerspieël is in die polisiegeweld teen vreedsame jong aktiviste op Onafhanklikheidsdag.Die sekretaris-generaal van Tucna, Mahongora Kavihiha, het die Namibiese regering beskuldig dat dit ’n “moderne polisiediktatuur” is. Dit word weerspieël in vyf kenmerke wat die staat tans vertoon: “Die staat ondermyn enige vorm van onenigheid, veral die politieke opposisie, en beperk die mense se vryheid van uitdrukking,” sê Kavihiha.Tweedens glo die staat nie in demokrasie nie en kan ondemokratiese neigings uitgewys word.Volgens Kavihiha verskuif die regering die blaam vir alle foute op ander: “Eers het die koloniale geskiedenis die skuld vir alles gekry; nou is dit die Covid-pandemie.”Kavihiha het die staat beskuldig dat hy die media sensor en beheer. Die “diktator” manipuleer die media, dryf akademici uit die land, onderdruk die burgerlike samelewing en arresteer aktiviste. Ten slotte, nog ’n teken van ’n polisiestaat is uiterste nasionalisme, waar enige kritikus as ’n “anti-nasionalis” beswadder word.Tucna het hom aan die kant van die betogers geskaar en sy steun verklaar vir alle aktiviste en jongmense wat “vir maatskaplike geregtigheid veg”.“Wil ons regtig patetiese en halfgebakte polisiebeamptes in ons staat hê om ons burgers te beskerm?” het hy gevra.“Amushelelo veg vir werk vir jong mense, vir regverdige behandeling van werknemers deur hul werkgewers, vir respek en die oppergesag van die reg,” het Kavihiha gesê.Hy het die huidige politieke situasie in Namibië vergelyk met gas wat ontplof wanneer jy dit onder genoeg druk plaas.“Die staat onderdruk die woede van jong mense.”Tucna sal nie toelaat dat die staat voortgaan om in hierdie rigting te beweeg nie en is ook gereed om aktiviste en belanghebbendes met hulpbronne te ondersteun.“As die regering so aanhou, sal ons as werkers hulle konfronteer.”

Aktiviste bly in aanhouding, kry steun van vakbond

Kommentaar

Republikein 2025-11-04

Meld asseblief aan om kommentaar te lewer

Aktiviste bly in aanhouding, kry steun van vakbond

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.