AG vergader glo met Fishrotters

Van die Fishrot-beskuldigdes het glo verlede week ’n lang vergadering met die aanklaer-generaal, Martha Imalwa, gehad omdat sy hulle glo wil help met die kwessie van regsverteenwoordiging. Die staatsaanklaer, Ed Marondeze, het glo ook die vergadering bygewoon en regter Moses Chinhengo, wat die Fishrot-verhoor aanhoor, het glo niks daarvan geweet nie.Een van die Fishrot-beskuldigdes, Sacky Shanghala, het Vrydag die hof van die vergadering ingelig en gesê die byna drie uur lange vergadering het verlede week Maandag plaasgevind.In reaksie op vrae deur Chinhengo oor die rede waarom die vergadering gehou is, het Shanghala verduidelik dat dit in goeder trou was en dat dit kwansuis gereël is om ’n oplossing vir die kwessie van regsverteenwoordiging te vind aangesien sommige van die beskuldigdes nie prokureurs het nie.“Die aanklaer-generaal se bedoelings was bloot uit kommer, soos sy self gesê het,” het Shangala gesê.Chinhengo het tydens Vrydag se verrigtinge opgemerk dat Marondeze se teenwoordigheid by die vergadering die hof in ’n moeilike posisie geplaas het. Marondeze het verduidelik dat hy teenwoordig was om te kyk hoe hulle [die staat] kan help om regshulp te bekom. VERRIGTINGEPartye het Vrydag in die hoërhof in Windhoek verskyn vir die aanhoor van ’n tussentydse aansoek vir ’n versoek dat sommige van die beskuldigdes afsonderlik verhoor word op grond van die feit dat hulle nie regsverteenwoordiging het nie.Marondeze het die aansoek teengestaan en aangevoer dat regsverteenwoordiging alleen nie voldoende gronde is om die hoofverhoor te vertraag en die verhoor te skei nie. Die aansoek om afsonderlike verhoor te word is deur Shanghala, James Hatuikulipi en Pius Mwatelulo ingedien. Die saak is Vrydag tot 11 November uitgestel.– republikein@republikein.com.na

AG vergader glo met Fishrotters

Kommentaar

Republikein 2025-12-16

Meld asseblief aan om kommentaar te lewer

AG vergader glo met Fishrotters

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.