AG moet betaal ná 'kwaadwillige vervolging'

Die hooggeregshof het verlede week die kantoor van die aanklaer-generaal (AG) beveel om N$150 000 te betaal, nadat dit bevind het dat ’n Suid-Afrikaanse man kwaadwillig vervolg is.Dit kom nadat Pieter Groenewald kwytgeskeld is van klagte van mensehandel en tydens sy verhoor kwytgeskeld is op grond van die feit dat die staat nie genoeg bewyse teen hom gehad het nie.Groenewald, 'n voormalige kolonel van die Suid-Afrikaanse Weermag, is in April 2013 saam met sy verloofde, Elsie Greef, in hegtenis geneem nadat hulle gevang is terwyl hulle glo 12 mans van die San-gemeenskap van die Bwabwata Nasionale Park vervoer het.Die staat het aanvanklik aangevoer dat hulle die 12 mans uit die land wou smokkel, maar die saak is in die Rundu-distrikshof uitgegooi. Daarna het Groenewald en Greef die hoërhof genader met ’n eis teen die aanklaer-generaal vir onwettige inhegtenisname en kwaadwillige vervolging. Die hoërhof het egter net Greef se eis toegestaan en Groenewald s'n van die hand gewys.Daarna het hy ’n appèlaansoek by die hooggeregshof aanhangig gemaak.VERKLARINGS TERUGGETREKDie San-mans het verklarings by owerhede afgelê wat deel gevorm het van die bewyse wat die aanklaer-generaal, Martha Imalwa, as die basis vir haar besluit op vervolging gebaseer het.Die 12 mans het egter op ’n latere stadium gesê dat hulle verduideliking verkeerdelik geïnterpreteer is deur die persone wat hulle verklarings geneem het.Die regters wat onlangs uitspraak gelewer het in die appèlaansoek, het daarop gewys dat die aanvanklike inhegtenisname en besluit om te vervolg, korrek was, maar dat die staat onmiddelik die vervolging moes staak toe die verklarings teruggetrek is.Hulle het bevind dat die aanklaer-generaal die plig gehad het om die vervolging te stop, nadat dit tydens konsultasies aan die lig gekom het dat die bewerings wat teen Groenewald gemaak is, verkeerd was.Die regters het beslis dat daar geen bewyse van ’n ander bron was wat Groenewald of Greef by die misdrywe betrek het nie.– kristien@nmh-hub.com.na

AG moet betaal ná 'kwaadwillige vervolging'

Kommentaar

Republikein 2025-12-19

Meld asseblief aan om kommentaar te lewer

AG moet betaal ná 'kwaadwillige vervolging'

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.