Aanklagte teen Maree bekend

Die voormalige polisiereservis en vermeende pedofiel Johann Wickus Maree het gister in die hoërhof in Windhoek onskuldig op 74 hoofaanklagte en al die alternatiewe klagte teen hom gepleit. Die staat beweer hy het 16 minderjarige seuns tussen 2014 en 2020 seksueel misbruik. Hy word onder meer daarvan beskuldig dat hy kamera’s in die openbare swembad in Olympia se ablusiegeriewe weggesteek het en dat hy gietvorms van sommige van sy beweerde slagoffers se private dele gemaak het. Die staat beweer verder dat Maree pornografiese materiaal van die minderjarige seuns gemaak en op die donker web versprei het en geld daarvoor ontvang het. SEUN 1Maree word daarvan beskuldig dat hy dié seun aangehou/vervoer/ gewerf en seksueel misbruik het, en dat hy drank aan hom verskaf het. ’n Aparte klag beweer dat hy die seun aangemoedig het om alkohol te gebruik. Maree staar vyf klagte wat verband hou met onsedelike dade met ’n kind en die seksuele misbruik of verkragting van die seun in die gesig. Hy het glo die seun gedwing om seksuele dade met twee van die ander seuns (voortaan seun 2 en 3) te pleeg. Hy het glo ook dié seun gedwing om seks met hom te hê en beeldmateriaal van hom geneem terwyl hy gedeeltelik of heeltemal naak was. Maree het na bewering ’n gietvorm van die seun se private dele gemaak. Seun 3 is glo ook gedwing om seksuele dade met dié seun te pleeg.SEUN 2Behalwe vir die seksuele dade wat seun 1 glo gedwing is om op hom uit te voer, is dié seun betrokke by drie ander aanklagte. Maree word eerstens daarvan beskuldig dat hy dié seun aangehou/vervoer/gewerf het vir seksuele misbruik, tweedens dat hy drank aan hom verskaf het en derdens dat hy die seun gedwing het om seksuele dade met hom te pleeg.SEUN 3Behalwe vir die seksuele dade wat die eerste en derde seun glo onder dwang op mekaar moes uitvoer, word dié seun by vyf ander aanklagte betrek.Eerstens het Maree hom glo aangehou/vervoer/gewerf vir seksuele misbruik, tweedens het Maree hom na bewering verkrag en seksuele dade met hom gepleeg en hom gebruik om pornografiese beeldmateriaal te vervaardig.SEUN 4Maree het dié seun glo aangehou/vervoer/gewerf vir seksuele misbruik, drank aan hom verskaf en hom aangemoedig om dit te gebruik. Maree het glo ook seksuele dade met hom gepleeg en ’n gietvorm van sy private dele gemaak. Hy moes glo onder dwang seksuele dade op seun 8 uitvoer.SEUN 5Maree word daarvan beskuldig dat hy dié seun aangehou/vervoer/gewerf het vir seksuele misbruik en dat hy die seun gebruik het om pornografiese materiaal te maak. Hy het glo ook seksuele dade met die seun gepleeg.SEUN 6Maree het dié seun glo aangehou/vervoer/gewerf vir seksuele misbruik. Hy het ook glo die seun toegelaat om onder sy toesig drank te gebruik en het sigarette aan hom verskaf. Maree het hom glo ook gedwing om seksuele dade met hom te pleeg. SEUN 7Maree het dié seun na bewering aangehou/vervoer/gewerf vir seksuele misbruik en drank aan hom verskaf. Die seun moes glo onder dwang seksuele dade op homself uitvoer en Maree het glo ’n poging aangewend om seksuele dade met hom te pleeg deur sy broek uit te trek. SEUN 8Behalwe vir die seksuele dade wat seun 4 glo op seun 8 uitgevoer het, het Maree dié seun na bewering aangehou/vervoer/gewerf vir seksuele misbruik, drank aan hom verskaf en die seun gebruik om seksuele dade op hom (Maree) uit te voer. Maree het hom ook glo gebruik om pornografiese beeldmateriaal te vervaardig.SEUN 9Maree het dié seun glo aangehou/vervoer/gewerf vir seksuele misbruik en hom aangemoedig om alkohol te gebruik. Die staat beweer Maree het hom glo ook verkrag en gebruik om pornografiese beeldmateriaal te vervaardig. SEUN 10Maree het na bewering dié seun aangehou/vervoer/gewerf vir seksuele misbruik en seksuele dade op hom uitgevoer. SEUN 11Maree het volgens die staat dié seun aangehou/vervoer/gewerf vir seksuele misbruik, drank aan hom verskaf en seksuele dade op hom uitgevoer.SEUN 12Maree het na bewering dié seun aangehou/vervoer/gewerf vir seksuele misbruik en het op verskeie kere drank aan hom verskaf. Hy het ook glo verskeie kere onsedelike dade met die seun gepleeg.SEUN 13Maree het dié seun glo aangehou/vervoer/gewerf vir seksuele misbruik en het verskeie kere drank en tabakprodukte aan hom verskaf. Hy het hom glo ook onsedelik aangerand en gebruik om pornografiese materiaal te vervaardig.SEUN 14Maree het na bewering dié seun verskeie kere aangehou/vervoer/gewerf vir seksuele misbruik en drank aan hom verskaf. Hy het die seun ook glo seksueel misbruik en hom gebruik om pornografiese materiaal te vervaardig.SEUN 15 EN 16Maree het glo in die Olympia-swembad se ablusiegeriewe pornografiese materiaal van dié seun gemaak terwyl hy gedeeltelik of heeltemal naak was. Maree se verhoor sal vandag amptelik begin wanneer Nelius Becker getuig. Die staat het in sy lys van getuies aangedui dat verskeie van die seuns sal getuig. – irene@nmh-hub.com.na

Aanklagte teen Maree bekend

Kommentaar

Republikein 2026-02-03

Meld asseblief aan om kommentaar te lewer

Aanklagte teen Maree bekend

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.