28 jaar tronkstraf vir babamoordenaar

’n Vrou wat in 2019 verskeie kere haar ses maande oue babaseuntjie se kop teen die vloer geslaan en sy dood veroorsaak het, is Donderdag tot 28 jaar tronkstraf gevonnis.Volgens regter Claudia Claasen was dit duidelik dat Pricilla Stuurman (29) met geweld en wreedheid die dood van haar kind veroorsaak het.“Die hof het ’n verantwoordelikheid om te praat namens die kinders wie se stemme deur hul onverantwoordelike en gevoellose ouers stilgemaak is,” het Claasen in haar uitspraak gesê wat in die hoërhof in Windhoek gelewer is.Dié voorval het op 24 Desember 2019 in Stuurman se woning in Aussenkehr in die ||Kharasstreek plaasgevind.Hoewel Stuurman beweer het dat sy per ongeluk haar kind laat val het terwyl sy dronk was en hom nie met opset leed aangedoen het nie, het die hof bevind die bewyse het ’n ander storie vertel.Die mediese dokter wat die nadoodse ondersoek op Stiaan Cidio Stuurman behartig het, het getuig die baba se drie skedelbreke kon nie deur ’n enkele val veroorsaak word nie.Stiaan is ná die voorval in die hospitaal op Karasburg dood.Die staat het ook aangevoer dat Stuurman op meer as een geleentheid haar voorneme uitgespreek het om haar kind te vermoor en sy hom twee weke voor sy dood, aangerand het.“Dit is ’n skande vir moederskap,” het Claasen gesê. Sy het ook bygevoeg dat dit nie ’n maklike vonnis was om op te lê nie, omdat Stuurman drie dogters het wat nou sonder ’n ma is. – kristien@republikein.com.na

28 jaar tronkstraf vir babamoordenaar

Kommentaar

Republikein 2025-05-30

Meld asseblief aan om kommentaar te lewer

28 jaar tronkstraf vir babamoordenaar

Kommentaar

Republikein 2025-05-30

Meld asseblief aan om kommentaar te lewer

MELD AAN

Advertensie