Josephine se lewe van diensbaarheid

’n Namibiese verpleegster het uit 134 000 aansoeke uit 214 lande die toptien van die vyfde Aster Guardians Global Nursing Awards 2026 gehaal.Josephine Nelago Angula, stigter en praktykbestuurder van Betesda Mediese Sentrum, vertrek binnekort na Indië vir die finale waartydens die wenner ’n kontantprys van US$250 000 sal ontvang.Die erkenning is nie net ’n persoonlike mylpaal nie, maar ook ’n trotse oomblik vir Namibië en vir elke verpleegkundige wat voortgaan om gemeenskappe met deernis, veerkragtigheid en toewyding te dien, sê Josephine.Sy het die Betesda Mediese Sentrum in 2002 in ’n klein gehuurde ruimte begin om bekostigbare sorg in onderbediende gemeenskappe te bied.Met verloop van tyd het Josephine die geriewe in ’n dagkliniek omskep wat mediese, tandheelkundige en radiologiedienste verskaf. Danksy die sentrum het pasiënte uit die gemeenskap se toegang tot diagnostiek, voortgesette sorg en die vroeë opsporing van siektes beduidend verbeter.Josephine se betekenisvolle bydraes tot openbare gesondheid sluit in ’n sleutelrol in pogings tot die voorkoming van MIV. Haar kliniek is ook ’n gelisensieerde sentrum vir die vrywillige mediese manlike besnydenisprogram (VMMC) en dra by tot nasionale inisiatiewe wat op tienerseuns en jongmans gemik is. “My reis in verpleging is gelei deur diensbaarheid aan kwesbare gemeenskappe, veral kinders en minderbevoorregte pasiënte. Hierdie prestasie moedig my aan om voort te gaan om vir toeganklike en deernisvolle gesondheidsorg te pleit,” sê Josephine. Sy het ook grootliks in kapasiteitsbou, die mentorskap van verpleegkundiges, die verskaffing van interne opleiding belê, asook die ondersteuning van haar personeel om hul opleiding voort te sit. Baie het later as geregistreerde verpleegkundiges gekwalifiseer. Haar reis as entrepreneur – van sakebestuur tot finansies – het haar ’n benoeming as finalis in die Sakevrou van die Jaar in 2017 besorg.Die Aster Guardians Global Nursing Award vereer uitsonderlike verpleegkundiges oraloor die wêreld. Die eerste toekenning het op 12 Mei 2022 by Atlantis in Dubai plaasgevind, waar die verpleegster Anna Qabale Duba van Kenia as wenner aangewys is.Die finaal vind op 12 September in Indië plaas. – patricia@nmh-hub.com.na

Josephine se lewe van diensbaarheid

Kommentaar

Republikein 2026-09-09

Meld asseblief aan om kommentaar te lewer

Josephine se lewe van diensbaarheid

Kommentaar

Republikein 2026-09-09

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.