Ministers draai glo nie stokkies

Die minister van inligting en kommunikasietegnologie, Emma Theofelus, het aansprake verwerp dat ministers doelbewus parlementêre sittings ontduik of vordering met nasionale sake vertraag en volgehou dat sulke aannames “verkeerd en onbillik” is.In reaksie op voortgesette frustrasies in die Nasionale Vergadering (NV) oor vertraagde antwoorde vanuit die uitvoerende gesag, het Theofelus gesê ministers bly toegewyd aan hul pligte, maar staar tydrowende prosesse in die gesig om akkuraatheid en aanspreeklikheid te verseker.“Daardie aanname of daardie afleiding van die publiek is verkeerd. Ministers in hierdie huis is toegewyd aan die kwessies wat geopper word. Ons neem ure om met ons amptenare in gesprek te tree, ons neem ure om met ons staatasondernemings in gesprek te tree. Ons hersien en hersien weer die antwoorde wat hulle gee om te verseker dat die lede van hierdie Huis en die publiek die regte inligting het om die regte besluite te neem wat hul lewens raak,” het sy gesê.Theofelus het beklemtoon dat vertragings met die beantwoording van parlementêre vrae uit streng hersieningsprosedures spruit, nie uit nalatigheid nie.“Dus is hierdie situasie oor wegblyery of om te probeer om nie vrae te beantwoord nie, nie korrek nie. Trouens, ons word vertraag om antwoorde aan die publiek te kry. As ministers balanseer ons ’n baie moeilike skedule,” het sy bygevoeg.Haar opmerkings het gekom terwyl NV-lede weer eens besorgdhede oor onbeantwoorde parlementêre vrae bespreek het, met sommige parlemenslede wat vir beter koördinering tussen die wetgewer en die uitvoerende gesag gepleit het.Die parlementslid van die National Unity Democratic Organisation (Nudo), Vetaruhe Kandorozu, het gesê die parlement bly bekommerd oor die hantering van vrae en antwoorde.“Ons wil die kwessie oplos in terme van vrae en antwoorde. Maar die uitvoerende gesag, wanneer ons hulle tyd gegee het om te reageer, bly hulle eerder weg.“So ek dink dit is ’n kwessie van betrokkenheid en bespreking om die gemeenskaplike doel te vind van wat ons in hierdie Huis wil doen, want daar is ministers wat wegbly om na die parlement te kom om vrae te beantwoord,” het Kandorozu gesê.Net so het die lid van die parlement, James Uerikua, sy frustrasie uitgespreek oor wat hy as “’n doelbewuste proses” beskryf het wat die uitvoerende gesag verhinder om op hangende vrae te reageer.“Vandag is die derde dag, wat hoofsaaklik daarvoor gereserveer is dat die uitvoerende gesag die vrae beantwoord wat gestel is,“… daar is inderdaad ’n doelbewuste proses aan die gang met vrae wat opgehoop en in ’n ry geplaas word om te verseker dat die uitvoerende gesag nie tyd kry om juis daardie vrae wat gestel is, te beantwoord nie,” het Uerikua Donderdag gesê.Hy het ander NV-lede aangemoedig om pragmaties op te tree en ministers die ruimte te gee om uitstaande navrae te hanteer ter wille van wetgewende vordering.“Laat ons ook die mense eer wat ons hier geplaas het, die burgers van hierdie land, wat die beste van ons verwag. Laat ons tyd gun vir die uitvoerende gesag om op daardie vrae te reageer wat aanhou ophoop,” het hy gesê.Intussen het drie lede van die Affirmative Repositioning Movement (AR) ’n kennisgewing ingedien waarin hulle versoek dat drie vrae van die agenda verwyder word om die groeiende agterstand van onbeantwoorde parlementêre navrae te verminder.– nikanor@nmh-hub.com.na

Ministers draai glo nie stokkies

Kommentaar

Republikein 2026-04-21

Meld asseblief aan om kommentaar te lewer

Ministers draai glo nie stokkies

Kommentaar

Republikein 2026-04-21

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.