Wetsontwerp sit alle gesondheidsberoepe onder een sambreel

Henriette Lamprecht - Die wetsontwerp vir die raad vir gesondheidsberoepe in Namibië maak voorsiening vir ‘n enkele raad wat die huidige vyf sal vervang. Die raad sal as ‘n sambreelliggaam dien om gesondheidslui in Namibië te reguleer en te beheer.Dr. Esther Muinjangue, president van die National Unity Democratic Organisation (Nudo) het tydens haar bydrae tot die wetsontwerp gesê tans is daar vyf rade vir gesondheidslui wat elkeen sy eie wet het. Dit sluit in die raad vir verwante gesondheidslui (15 lede), die mediese en tandheelkundige raad (12 lede), asook die rade vir verpleegsters, aptekers, maatskaplike werkers en sielkundiges wat elk agt lede het. Dit beteken die huidige raad het ‘n totaal van 51 lede wat volgens Muinjangue “te groot” is. Dit beteken daar is vyf wette wat tans deur die sekretariaat administreer word. Die wetsontwerp poog om vyf wette wat byna dieselfde gelees het, in een wet te vervat Sodra die raad ingestel is, sal dit volgens Muinjangue die magte en funksies van die bestaande vyf rade uitvoer en verrig.“Die wetsontwerp stel &#039;n eenheidsgebonde owerheid voor vir alle gesondheidsberoepe in Namibië voor, sonder dat hulle hul identiteit en funksies verloor om sake te hanteer wat beroepspesifiek is,” het sy verduidelik. Die veranderinge aan die struktuur sal administrasie vervolgens vergemaklik, omdat daar net een registrateur en een sekretariaat vir alle gesondheidslui sal wees.“Ek wil glo dat dit meer kostedoeltreffend en doeltreffend sal wees omdat die nuwe raad uit 11 lede in die plek van die huidige 51 lede sal bestaan.”Die wetsontwerp sal voorts sorg vir doeltreffende samewerking tussen verskillende gesondheidsprofessies deur die gesamentlike aanstelling van komitees wat kwessies soos onder meer etiek hanteer. Dit fokus ook op die lisensie-regime vir praktisyns wat kliniese sorg aan pasiënte verskaf en ook die hernuwing daarvan wat gekoppel word aan die handhawing van aanvaarbare professionele kennis en vaardighede. Laasgenoemde is noodsaaklik om welstand van kliënte en pasiënte van diensverskaffers te beskerm.Volgens Muinjangue kan die huidige vyf rade finansiële hulpbronne mobiliseer om finansiering van tesourie te ondersteun. Rade moet egter ook bykomende geld insamel om hul bedrywighede te ondersteun.“Sommige van hierdie rade is finansieel gesond, veral die met meer lidmaatskap. Die verpleegstersraad van Namibië het byvoorbeeld ‘n beduidende aantal lede en is in ‘n baie beter posisie om fondse te genereer deur hul lidmaatskapfooie en wat die raad in staat stel om sy werksaamhede te finansier.”Dit is egter volgens Muinjangue nie die geval by al die rade nie en onder meer die vir maatskaplike werkers en sielkundiges. Laasgenoemde is weens ‘n beperkte aantal maatskaplike werkers en sielkundiges en hang van die jaarlikse toelaag van die regering af.“Die wetsontwerp sal die beroepe in staat stel om hul hulpbronne saam te bind, sodat selfs die beroepe met ‘n kleiner getal lede die vermoë het om klagtes van wanpraktyke van die publiek te kan ondersoek.”Muinjangue het ook verwys na die ernstige tekort aan menslike hulpbronne in die gesondheidsbedryf, met die wetsontwerp wat ‘n nuwe kategorie vir verpligte staatsdiens vir nuut-geregistreerde praktisyns het. Volgens die kategorie sal die nuwe praktisyns vir ‘n spesifieke tydperk uitgeplaas word waar hul dienste die meeste benodig word, alvorens hulle onafhanklik kan praktiseer. - henriette@republikein.com.na

Wetsontwerp sit alle gesondheidsberoepe onder een sambreel

Kommentaar

Republikein 2026-02-04

Meld asseblief aan om kommentaar te lewer

Wetsontwerp sit alle gesondheidsberoepe onder een sambreel

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.